მიხეილ ჯანგავაძე (ასოცირებული პროფესორი)  

მედიცინის დოქტორი;
მიმართულება: საბუნებისმეტყველო მეცნიერებანი, (მორფოლოგია/ადამიანის ანატომია);
ექიმთა ასოციაციისა და პათოლოგანატომთა ასოციაციის წევრი.

მიხეილ ჯანგავაძე არის საქართველოს ექიმთა ასოციაციისა და საქართველოს პათოლოგანატომთა ასოციაციის წევრი, თსუ „კლინიკური პათოლოგიის დიაგნოსტიკური ცენტრი“-ს ექიმი-პათოლოგანატომი, თსუ ალ. ნათიშვილის მორფოლოგიის ინსტიტუტის კლინიკური ანატომიის და ექსპერიმენტული მოდელირების დეპარტამენტის ხელმძღვანელი, მთავარი მეცნიერ-თანამშრომელი. მას აქვს პროფესიული და  პედაგოგიური საქმიანობის მრავალწლიანი გამოცდილება, გასულ წლებში იყო შპს „მრჩეველი მორფოლოგი“-ს  ექიმი-პათოლოგანატომი, შპს „სტატუსი“-ს  ექიმი-პათოლოგანატომი. ფლობს მედიცინის მეცნიერებათა დოქტორის აკადემიურ ხარისხს, ასევე სახელმწიფო სერთიფიკატს პათოლოგიურ ანატომიასა და კლინიკურ პათოლოგიაში.

მიხეილ ჯანგავაძე აქტიურად ეწევა სამეცნიერო-კვლევით საქმიანობას. არის  50-მდე ადგილობრივი და საერთაშორისო სამეცნიერო ნაშრომის ავტორი, არაერთი  საერთაშორისო და ადგილობრივი სამეცნიერო კონფერენციის, ვორკშოპის და სემინარის მომხსენებელი და მონაწილე. მოპოვებული აქვს  ეროვნული სამეცნიერო-პრაქტიკული გრანტები და მონაწილეობა აქვს მიღებული პროფესიული განვითარების პროგრამებში.