EEU-ს ფსიქოლოგიური ,,ლაბორატორია Z”- ის ქცევისა და ნეირომარკეტინგის შემსწავლელი ახალი ტექნოლოგიების პრეზენტაცია და სიმულაცია
EEU-ში ღია კარის დღეები გრძელდება. ინტელექტუალურ-შემეცნებითი აქტივობების ციკლის ფარგლებში 2025 წლის 27 აპრილს, 13:00 საათზე აღმოსავლეთ ევროპის უნივერსიტეტში სკოლის მოსწავლეებისთვის გაიმართება ზურაბ მხეიძის საჯარო ლექცია.
სპიკერი:
ზურაბ მხეიძე – EEU-ს ასოცირებული პროფესორი, აღმოსავლეთ ევროპის უნივერსიტეტის ფსიქოლოგიის საბაკალავრო პროგრამის ხელმძღვანელი, EEU-ს ფსიქოლოგიისა და ნეირომეცნიერების ლაბორატორიის ,,ლაბორატორია Z” ხელმძღვანელი.
ღონისძიების მეორე ეტაპზე სკოლის მოსწავლეებისთვის EEU-ს ფსიქოლოგიური ,,ლაბორატორია Z”-ის ქცევისა და ნეირომარკეტინგის შემსწავლელი ახალი ტექნოლოგიების (თვალის მოძრაობის დეტექტორი, პოლიგრაფი) პრეზენტაცია და სიმულაცია გაიმართება.
ნეირომარკეტინგის მასტერკლასის ფარგლებში ,,ლაბორატორია Z”-ის მკვლევარი ლაშა ჩანთაძე განიხილავს ისეთ საკითხებს, როგორებიცაა თანამედროვე ნეირომეცნიერება, ნეირომარკეტინგის საჭიროება ციფრულ სამყაროში, ნეირომარკეტინგის საზომი ინსტრუმენტები და კვლევის პროცედურა.
მოსწავლეების მონაწილეობით, აგრეთვე, ჩატარდება სიმულაციური ექსპერიმენტი, რომლის ფარგლებში ისინი შეძლებენ მოწყობილობის Eye Tracker მორგებასა და რეალურ დროში ნეირომარკეტინგული კვლევის პროცესის დაკვირვებას.
სამიზნე აუდიტორია: მე-9, მე-10, მე-11 და მე-12 კლასების მოსწავლეები.
შეხვედრის განხორციელების განრიგი: 27 აპრილს, 13:00 საათი ფორმატი და ადგილი: პირისპირ, აღმოსავლეთ ევროპის უნივერსიტეტი
არ გამოტოვოთ ღია კარის დღეები EEU-ში, თუ ჯერ არ დარეგისტრირებულხართ, შეავსეთ სარეგისტრაციო ფორმა.