მიმდინარე წლის 15 დეკემბერს, 14:00 საათზე, აღმოსავლეთ ევროპის უნივერსიტეტის ბიბლიოთეკაში გაიმართება პროფ. დავით წულაიას ინგლისურენოვანი მონოგრაფიის „ზოგიერთი კრიმინოლოგიური ასპექტი ქრისტიანული მართლმადიდებლური მოძღვრების მიხედვით“ პრეზენტაცია.
გამოცემის შესახებ
მონოგრაფია წარმოადგენს პირველ სრულყოფილ აკადემიურ ნაშრომს, რომელიც მართლმადიდებლური ქრისტიანული მოძღვრების საფუძველზე იკვლევს კრიმინოლოგიის მნიშვნელოვან კონცეფციებს, მათ შორის დანაშაულს, დამნაშავის პიროვნებას, დანაშაულის გამომწვევ მიზეზებსა და პრევენციის მექანიზმებს.
მონოგრაფიის ავტორი: დავით წულაია – აღმოსავლეთ ევროპის უნივერსიტეტის ასოცირებული პროფესორი, სამართლის დოქტორი.
მონოგრაფიის სათაური ინგლისურ ენაზე: Some Criminological Aspects according to Orthodox Christian Doctrine
სამეცნიერო რედაქტორი: ირაკლი დვალიძე – პროფესორი, სამართლის დოქტორი.
რეცენზენტები: ლაშა-გიორგი კუტალია – პროფესორი, სამართლის დოქტორი; მაია ხასია – პროფესორი, სამართლის დოქტორი; ალექსანდრე გიორგიძე – პროფესორი, სამართლის დოქტორი.
გამოცემის თარიღი: 2025 წელი
ნაშრომი განკუთვნილია სამართლის საბაკალავრო და სამაგისტრო პროგრამების სტუდენტებისთვის, ასევე კრიმინოლოგების, იურისტების, სოციოლოგებისა და ფსიქოლოგებისთვის, სამართალდამცავი სტრუქტურების წარმომადგენლებისა და დანაშაულის პრობლემატიკით დაინტერესებული საზოგადოებისათვის.
მონოგრაფია გამოიცა აღმოსავლეთ ევროპის უნივერსიტეტის აკადემიური პერსონალის სამეცნიერო-კვლევითი საქმიანობის მხარდაჭერის სისტემის ფარგლებში.
ქ. თბილისი, ი. ენუქიძის ქ. 6 (აშშ საელჩოს მიმდებარედ), EEU-ს ბიბლიოთეკა
+995 32 248 01 41