2022 წლის 2 ივნისს, აღმოსავლეთ ევროპის უნივერსიტეტში, სკოლის მოსწავლეებისთვის გაიმართა EEU-ს ასოცირებული პროფესორის, ფსიქოლოგ ნანა გოგიჩაშვილის საჯარო ლექცია: ,,აბიტურიენტთა სტრესის მართვა”.
საჯარო ლექციაზე ნანა გოგიჩაშვილი სკოლის მოსწავლეებს ესაუბრა გამოცდებითა და წინასაგამოცდო მზადებით გამოწვეული სტრესის მართვაზე. კერძოდ, საჯარო ლექციის ფარგლებში განიხილა ისეთი საკითხები, როგორიცაა:
- რა არის სტრესი, სტრესის სახეები და მისი მართვა;
- წინასაგამოცდო სტრესი და „მე“;
- უნდა მეშინოდეს თუ არა გამოცდების?
- როგორ, რისი და ვისი მეშინია?
- მე და ჩემი შიშები!
საჯარო ლექციას ქ. თბილისის საჯარო და კერძო სკოლების მოსწავლეები ესწრებოდნენ.
ლექციის ბოლოს გაიმართა დისკუსია, მოსწავლეებმა დასვეს უამრავი საინტერესო შეკითხვა.
ღონისძიების მეორე ეტაპზე სკოლის მოსწავლეებმა მიიღეს დეტალური ინფორმაცია აღმოსავლეთ ევროპის უნივერსიტეტის საერთაშორისო თანამშრომლობისა და გაცვლითი პროგრამების, საუნივერსიტეტო სტიპენდიებისა და სწავლის დაფინანსების მრავალფეროვანი პირობების, სტუდენტური მხარდამჭერი სერვისებისა და უპირატესობების თაობაზე. ღონისძიების დასასრულს მოსწავლეებმა დაათვალიერეს აღმოსავლეთ ევროპის უნივერსიტეტის თანამედროვე ინფრასტრუქტურით აღჭურვილი ახალი კამპუსი.
EEU-ში მე-10, მე-11 და მე-12 კლასების სკოლის მოსწავლეებისთვის საინტერესო, ინტელექტუალურ-შემეცნებითი და გასართობი აქტივობების ციკლი აღმოსავლეთ ევროპის უნივერსიტეტის მიერ KINGS-თან პარტნიორობით განხორციელდა. EEU მომავალშიც გეგმას სკოლის მოსწავლეებისთვის არაერთ საინტერესო შეხვედრას.