2022 წლის 25 მაისს აღმოსავლეთ ევროპის უნივერსიტეტისა და Kings-ის ორგანიზებით გაიმართა ონლაინ ღია კარის დღე სკოლის მოსწავლეებისთვის თემაზე: როგორ ავირჩიოთ პროფესია – ,,შეიცან თავი შენი’’
ონლაინ ღია კარის დღეზე აღმოსავლეთ ევროპის უნივერსიტეტის პროფესორებმა მე-10, მე-11 და მე-12 კლასის მოსწავლეებს გააცნეს სხვადასხვა პროფესიები და მის არჩევასთან დაკავშირებული სირთულეები, მისცეს გასათვალისწინებელი რჩევები პროფესიის შერჩევის ეტაპზე.
სპიკერები:
- ვასილ კიკუტაძე – EEU-ს ასოცირებული პროფესორი, ბიზნესისა და ინჟინერიის ფაკულტეტის დეკანი
- დავით ბოსტოღანაშვილი – EEU-ს პროფესორი, ხარისხის უზრუნველყოფის სამსახურის უფროსი
ონლაინ ღია კარის დღეს 100-ზე მეტი მოსწავლე ესწრებოდა და მათი მაღალი ჩართულობით წარიმართა. მოსწავლეებმა დასვეს საინტერესო კითხვები და აუდიტორიას გაუზიარეს საკუთარი გამოცდილება.
ღია კარის დღის დასკვნით ეტაპზე, EEU-ს ვიცე-რექტორმა საერთაშორისო და ადმინისტრაციულ საკითხებში, თეა იმედაძემ და განათლების დეპარტამენტის უფროსმა, ქეთევან აფთარაშვილმა სკოლის მოსწავლეებს მიაწოდეს დეტალური ინფორმაცია აღმოსავლეთ ევროპის უნივერსიტეტის საერთაშორისო თანამშრომლობისა და გაცვლითი პროგრამების, საუნივერსიტეტო სტიპენდიებისა და სწავლის დაფინანსების მრავალფეროვანი პირობების, სტუდენტური მხარდამჭერი სერვისებისა და უპირატესობების თაობაზე.
EEU-ში გრძელდება მე-10, მე-11 და მე-12 კლასების სკოლის მოსწავლეებისთვის საინტერესო, ინტელექტუალურ-შემეცნებითი და გასართობი აქტივობების ციკლი
ღია კარის დღეების განრიგი იხილეთ ბმულზე: https://forms.gle/2FqFQjusHunJpz7R9