Online საინაუგურაციო ლექცია: „გვჭირდება თუ არა კრიტიკული აზროვნება? ოდისევსი, ოიდიპოსი და გველისმჭამელი მინდია მინოტავრის ლაბირინთში“
5 მარტს, 18:00 საათზე, აღმოსავლეთ ევროპის უნივერსიტეტის სტუდენტებისა და პერსონალისთვის გაიმართება Online საინაუგურაციო ლექცია: „გვჭირდება თუ არა კრიტიკული აზროვნება? ოდისევსი, ოიდიპოსი და გველისმჭამელი მინდია მინოტავრის ლაბირინთში“.
საინაუგურაციო ლექციის წაკითხვა განეკუთვნება ევროპული უნივერსიტეტების საკმაოდ ცნობილ ტრადიციას, რომლის ფარგლებში სასწავლო სემესტრის დაწყებამდე პროფესორი დაინტერესებული აუდიტორიის წინაშე კითხულობს ლექციას მის მიერ შერჩეულ თემაზე.
აღნიშნული საინაუგურაციო ლექციის მიზანს წარმოადგენს სამიზნე ჯგუფის წევრებისთვის კრიტიკული აზროვნებისა და ფილოსოფიის შესახებ ახალი პერსპექტივის გაცნობა.
საინაუგურაციო ლექციის თემატიკა:
- რას შეიძლება ნიშნავდეს კრიტიკული აზროვნება და რისთვის გვჭირდება ის?
- რა შედეგები მოჰყვება კრიტიკულ აზროვნებას?
- რაზე მიგვანიშნებენ ოდისევსის, ოიდიპოსის და გველისმჭამელი მინდიას პერსონაჟები?
- აღნიშნული შეკითხვები მოხაზავს იმ სააზროვნო ლაბირინთს, რომელშიც შეკითხვებს ახალი შეკითხვებისკენ მივყავართ: ღირს თუ არა ეს ყველაფერი იმად, რომ ლაბირინთში შესვლა გავრისკოთ?
სპიკერი: გიორგი თავაძე – ვარლამ ჩერქეზიშვილის სახ. ინტერდისციპლინური კვლევების ცენტრი.
საინაუგურაციო ლექციის სამიზნე ჯგუფი: აღმოსავლეთ ევროპის უნივერსიტეტის სტუდენტები და პერსონალი.
სამუშაო ენა: ქართული
საინაუგურაციო ლექციის განხორციელების განრიგი: 05.03.2021, 18:00 საათი.
საინაუგურაციო ლექციის ხანგრძლივობა: 1 საათი.
ფორმატი: საინაუგურაციო ლექცია ჩატარდება დისტანციურად MS TEAMS-ში
საინაუგურაციო ლექციაზე დასწრების ბმული: https://teams.microsoft.com/l/meetup-join/19%3ae2efc1f25f6f4e558ff821aa940ef734%40thread.tacv2/1614770034049?context=%7b%22Tid%22%3a%220465af59-54cd-463b-b47f-d077020f47a2%22%2c%22Oid%22%3a%223b258d65-486c-4525-aeb0-7f50219f9da4%22%7d