მიმდინარე წლის 19-23 მაისს, აღმოსავლეთ ევროპის უნივერსიტეტის (EEU) წარმომადგენლები Erasmus+ პროგრამის პერსონალის მობილობით პანთეონის სოციალურ და პოლიტიკურ მეცნიერებათა უნივერსიტეტში (საბერძნეთი) იმყოფებოდნენ. დელეგაციას წარმოადგენდნენ EEU-ს ბიზნესისა და ინჟინერიის ფაკულტეტის დეკანი, პროფესორი ვასილ კიკუტაძე და სამეცნიერო კვლევებისა და განვითარების დეპარტამენტის უფროსი, ბიზნესისა და ინჟინერიის ფაკულტეტის პროფესორი დავით სიხარულიძე.
ვიზიტის ფარგლებში გაიმართა შეხვედრები პანთეონის უნივერსიტეტის აკადემიურ და ადმინისტრაციულ პერსონალთან. დაისახა სამომავლო თანამშრომლობის გეგმები საგანმანათლებლო და სამეცნიერო მიმართულებებით.
აღმოსავლეთ ევროპის უნივერსიტეტსა და პანთეონის სოციალურ და პოლიტიკურ მეცნიერებათა უნივერსიტეტს შორის გაფორმებული თანამშრომლობის ხელშეკრულების საფუძველზე, EEU-ს სტუდენტებს შესაძლებლობა აქვთ, ერთი სემესტრი Erasmus+-ის დაფინანსებით გაატარონ პანთეონის უნივერსიტეტში.