ვიზიტის ფარგლებში დელეგაციის წევრებმა შეხვედრები გამართეს აღმოსავლეთ ევროპის უნივერსიტეტის რექტორთან, პროფესორ დავით ჩერქეზიშვილთან და უნივერსიტეტის ადმინისტრაციასთან. აღმოსავლეთ ევროპის უნივერსიტეტს შეხვედრაზე წარმოადგენდნენ ვიცე-რექტორი სასწავლო პროცესის ადმინისტრირების საკითხებში, ასოცირებული პროფესორი რუსუდან ჩიქოვანი, განათლების მეცნიერებების ფაკულტეტის დეკანი, ასოცირებული პროფესორი ქეთევან აფთარაშვილი, რექტორის მრჩეველი საერთაშორისო და ადმინისტრაციულ საკითხებში, ასისტენტ-პროფესორი თეა იმედაძე, საერთაშორისო ურთიერთობების დეპარტამენტის უფროსი, ასისტენტ-პროფესორი თეონა ხაჩიძე და კოორდინატორები, თამარ ტაბატაძე და მარიამ ბაზაძე. დელეგაციის წევრები გაეცნენ ინფორმაციას საქართველოს განათლების სისტემისა და აღმოსავლეთ ევროპის უნივერსიტეტის შესახებ. შეხვედრაზე მხარეებმა ხაზი გაუსვეს უნივერსიტეტებს შორის ნაყოფიერ თანამშრომლობას და ისაუბრეს მომავალი ერთობლივი პროექტების შესაძლებლობაზე.
შეხვედრის დასრულების შემდეგ დელეგაციის წევრებმა დაათვალიერეს უნივერსიტეტის ინფრასტრუქტურა, აკადემიური და ადმინისტრაციული სივრცეები, კვლევების ცენტრი, ბიბლიოთეკა, სპორტული და რეკრეაციული სივრცე. ვიზიტის დასასრულს მათ გადაეცათ Erasmus+ პერსონალის მობილობის პროგრამაში მონაწილეობის დამადასტურებელი სერტიფიკატები.
აღმოსავლეთ ევროპის უნივერსიტეტსა და პანთეონის სოციალურ და პოლიტიკურ მეცნიერებათა უნივერსიტეტს შორის თანამშრომლობის მემორანდუმი 2023 წელს გაფორმდა. ორ უნივერსიტეტს შორის თანამშრომლობა აქტიურად ვითარდება. შეთანხმების ფარგლებში, აღმოსავლეთ ევროპის უნივერსიტეტის სტუდენტებსა და აკადემიურ და ადმინისტრაციულ პერსონალს ყოველ სემესტრში ეძლევათ შესაძლებლობა მონაწილეობა მიიღონ Erasmus+-ის გაცვლით პროგრამაში.
