პავლე ჭელიძე (პროფესორი)  

ბიოლოგიის მეცნიერებების დოქტორი;
მიმართულება: ჯანდაცვა
(მედიცინა/ მორფოლოგია) EEU-ს ჯანდაცვის ფაკულტეტის საბჭოს წევრი.

 პავლე ჭელიძე არის აღმოსავლეთ ევროპის უნივერსიტეტის ჯანდაცვის ფაკულტეტის საბჭოს წევრი. მას აქვს პედაგოგიურ და პროფესიული საქმიანობის მრავლწლიანი გამოცდილება საქართველოში და საერთაშორისო ქვეყნებში. ის მუშაობდა ქ. რეიმსის (საფრანგეთი) უნივერსიტეტის (Universite de Reims Champagne-Ardene, URCA) ფარმაკოლოგიური ფაკულტეტის (UFR de Pharmacie – IFR 53), ლაბორატორია MeDIAN და MEDyC-ის მოწვეულ პროფესორად. იყო საფრანგეთის კვლევების ნაციონალური სააგენტოს (Agence National de Recherche, ANR) მაღალი რანგის მოწვეული პროფესორებისთვის გრანტის რეციპიენტი, რომლის ფარგლებში მუშაობდა URCA-ს ლაბორატორია MEDyC-ის ბირთვის არქიტექტურის შემსწავლელ ჯგუფში და ლონდონის სამეფო საზოგადოების (Royal Society London, UK) გრანტის ფარგლებში სამუშაო ჯგუფში, ასევე, მოწვეული მკლევარის სტატუსით მუშაობდა ლონდონის კინგს კოლეჯის (Kings College London, UK) მოლეკულური ბიოლოგიის და ბიოფიზიკის ლაბორატორიაში.  ის იკავებდა საუნივერსიტეტო კლინიკა Maison Blanche-ის, URCA-ს უჯრედული ბიოლოგიის დეპარტამენტთან არსებული სადიაგნოსტიკო კლინიკური ლაბორატორიის ასოცირებული პროფესორის თანამდებობას. იგი ფლობს ბიოლოგიის მეცნიერებების დოქტორის ხარისხს.

პავლე ჭელიძეს აქვს მრავალწლიანი სამეცნიერო-კვლევითი საქმიანობის მუშაობის გამოცდილება და დღემდე აქტიურად ეწევა. არის არაერთი საერთაშორისო და ადგილობრივი სამეცნიერო ნაშრომისა და საგრანტო პროექტის ავტორი, კონფერენციისა და სიმპოზიუმის მომხსენებელი და მონაწილე. არის აღმოსავლეთ ევროპის უნივერსიტეტის ჰისტოლოგიის სასწავლო-კვლევითი ლაბორატორიის ხელმძღვანელი.