აღმოსავლეთ ევროპის უნივერსიტეტის (EEU) მხარდაჭერით, თომას ჯეფერსონის კვლევითი ცენტრისა და საქართველოს თავდაცვისა და უსაფრთხოების ასოციაციის მიერ, კავკასიის სამართლის აკადემიასთან და ახალგაზრდობა და ვეტერანები ეროვნული თავდაცვისა და უსაფრთხოებისთვის თანამშრომლობით 2024 წლის ნოემბერ-დეკემბრის თვეში განხორციელდა პროექტი „მშვიდობის მშენებლობისა და უსაფრთხოების სამიტი“.
პროექტი მიზანი გახლდათ სამოქალაქო სექტორისთვის საბაზისო სამხედრო, თეორიული და პრაქტიკული ცოდნის გაზიარება, სტრატეგიული აზროვნებისა და კრიზისულ სიტუაციებში ეფექტურად მოქმედების თვისებების განვითარება და გამყარება, სამოქალაქო საზოგადოების ცნობიერებით აღჭურვა.
სამიტის ფარგლებში აუდიტორია გაეცნო შემდეგ საკითხებს:
- ღია საინფორმაციო წყაროებით დაზვერვა, სპიკერი: მიხეილ გოლიჯაშვილი, პროფესორი;
- გლობალური უსაფრთხოება და სპეცსამსახურები, სპიკერი: თორნიკე შურღულაია – გლობალური უსაფრთხოებისა და დაზვერვის ექსპერტ – ანალიტიკოსი, ისტორიის აკადემიური დოქტორი ამერიკის მცოდნეობაში, თომას ჯეფერსონის კვლევითი ცენტრის დამფუძნებელი;
- თავდაცვის ძალების როლი სახელმწიფოს აღმშენებლობაში, დეზინფორმაცია და პროპაგანდა სპიკერი: გიორგი ქავთარაძე – საქართველოს თავდაცვის ძალების, სპეციალური ძალების მაიორი, ოფიცერი;
- კონტრტერორიზმი და ტერორისტული ქსელები, სპიკერი: თორნიკე შურღულაია – გლობალური უსაფრთხოებისა და დაზვერვის ექსპერტ – ანალიტიკოსი, ისტორიის აკადემიური დოქტორი ამერიკისმცოდნეობაში, თომას ჯეფერსონის კვლევითი ცენტრის დამფუძნებელი.
პროექტში მონაწილეობა მიიღეს, როგორც აღმოსავლეთ ევროპის უნივერსიტეტის, ასევე სხვა უმაღლესი საგანმანათლებლო დაწესებულებების სტუდენტებმა.
სამიტის მონაწილეებს გადაეცათ პროექტში მონაწილეობის დამადასტურებელი სერტიფიკატი.
