აღმოსავლეთ ევროპის უნივერსიტეტის (EEU) უწყვეტი განათლების ცენტრის (LLC) ორგანიზებით 2022 წლის 27 მაისს, EEU-ს მცირე საკონფერენციო დარბაზში, პერსონალის, სტუდენტებისა და კურსდამთავრებულებისთვის გაიმართა მერიენ დოლისა და იან ბოემის საჯარო ლექცია თემაზე: “მიგრაცია, მულტილინგვიზმი და განათლება”.
ზემო ავსტრიის (ლინცი) განათლების უნივერსიტეტის (PÄDAGOGISCHE HOCHSCHULE OÖ) პროფესორები – მერიენ დოლი და იან ბოემი აღმოსავლეთ ევროპის უნივერსიტეტს ERASMUS+ გაცვლითი პროგრამის ფარგლებში ეწვივნენ.
- დოქტორი მერიენ დოლი – კვლევის სფერო: ენობრივ განათლებასა და მიგრაციასთან დაკავშირებულ მულტილინგვისტიკის საკითხები. https://pro.ph-ooe.at/marion-doell
- დოქტორი იან ბოემ – კვლევის სფერო: შედარებითი განათლება https://eeu.edu.ge/ianboemi/
პროფესორმა მერიენ დოლიმ და პროფესორმა იან ბოემმა საჯარო ლექციის ფარგლებში, ცენტრალური ევროპის მაგალითზე განიხილეს საგანმანათლებლო მიგრაციასთან დაკავშირებული ძირითადი პრობლემები და გამოწვევები, ასევე, ისაუბრეს მიგრაციის საკითხებზე ენობრივ ჭრილში.
საჯარო ლექციას ესწრებოდნენ აღმოსავლეთ ევროპის უნივერსიტეტის რექტორი – კახაბერ ლაზარაშვილი, მიგრაციისა და დიასპორის კვლევის ცენტრის (EEU) ხელმძღვანელი – ლელა გოგინავა, ინტერდისციპლინური კვლევების ცენტრის (EEU) ხელმძღვანელი – გიორგი თავაძე, ბიზნესისა და ინჟინერიის ფაკულტეტის დეკანი – ვასილ კიკუტაძე, განათლების დეპარტამენტისა და EEU-ს ადმინისტრაციის სხვა თანამშრომლები, სტუდენტები, კურსდამთავრებულები და პროფესორ-მასწავლებლები.
საჯარო ლექციის ბოლოს გაიმართა საინტერესო და ინტერაქციული შემაჯამებელი დისკუსია.
