2019 წლის 2 დეკემბერს აღმოსავლეთ ევროპის უნივერსიტეტში ჩატარდა საჯარო ლექციები:
- ,,ევროინტეგრაციის გამოწვევები სამოქალაქო აქტივიზმის მიმართულებით’’
- ,,სკოლამდელი განათლების სისტემა და თვითმმართველობის ვალდებულებები’’
საჯარო ლექციები ჩატარდა პროექტის ფარგლებში – ვიშეგრადის ოთხი ქვეყნის გამოცდილების გაზიარება მოქალაქეთა ჩართულობის ხელშეწყობისთვის“ – გაიმართა, რომელიც ვიშეგრადის საერთაშორისო ფონდის დაფინანსებით ხორციელდება. საჯარო ლექციების ციკლის მიზანი იყო სტუდენტთა და აკადემიური პერსონალის ცნობიერების დონის სამოქალაქო აქტივიზმისა და ჩართულობის მიმართულებით ამაღლება.
სტუდენტებთან შეხვედრა კავკასიის ეკონომიკური და სოციალური კვლევითი ინსტიტუტის აღმასრულებელმა დირექტორმა – ნათია დაღელიშვილმა გახსნა. მან მაგისტრატურისა და ბაკალავრიატის სტუდენტებს, აკადემიურ პერსონალს მიაწოდა ინფორმაცია პროექტის შესახებ, შეაფასა საქართველოს ევროინტეგრაციის პროცესი და ევროპული გამოცდილება სამოქალაქო აქტივიზმის მიმართულებით.
სკოლამდელი აღზრდის საკითხებში ექსპერტმა, თემურ თორდინავამ შემდეგი სესია სკოლამდელი განათლების სისტემასა და თვითმმართველობის ვალდებულებებზე ჩაატარა.
დასასრულს გაიმართა საინტერესო დისკუსია.
