2023 წლის 3 ივნისს აღმოსავლეთ ევროპის უნივერსიტეტში (EEU) სკოლის მოსწავლეებისთვის ინტელექტუალური თამაშის – ,,სასკოლო რა? სად? როდის?“ ფინალი გაიმართა.
აღმოსავლეთ ევროპის უნივერსიტეტის გენერალური სპონსორობით საქართველოს ინტელექტ-კლუბისა და კინგსის პირველი ერთობლივი პროექტი განხორციელდა.
წლის მოაზროვნის ტიტული თბილისის კომაროვის სკოლის გუნდმა “კამაროვამ” მოიპოვა. მეორე ადგილზე „ხარაბუზთა ბატონი“ (იმერეთი) გავიდა, მესამე პოზიცია „ტიტანი გელამ“ დაიკავა კახეთიდან, მოთხე საპრიზო ადგილი კი „ინვისტას“ (თბილისი) ერგო.
გამარჯვებულები და პრიზიორები პროექტის მთავარი სიმბოლოებით (ბუ, ჩემპიონის თასი) და სხვადასხვა ფასიანი პრიზებით, აღმოსავლეთ ევროპის უნივერსიტეტის რექტორმა, კახაბერ ლაზარაშვილმა და პარტნიორი კომპანიების წარმომადგენლებმა დააჯილდოვეს.
ფინალური ეტაპის დაწყებამდე ,,სასკოლო რა? სად? როდის?’’ პროექტის მონაწილეებს აღმოსავლეთ ევროპის უნივერსიტეტის რექტორმა, კახაბერ ლაზარაშვილმა სიტყვით მიმართა და წარმატება უსურვა.
,,სასკოლო რა? სად? როდის?“ VII-XII კლასელი მოსწავლეებისთვის ჩატარდა საქართველოს სხვადსხვა 7 რეგიონში (თბილისი, ქუთაისი, ბათუმი, რუსთავი, ზუგდიდი, გორი, ოზურგეთი). ფინალურ ეტაპზე საქართველოს სხვადასხვა რეგიონიდან 39-მა გუნდმა იასპარეზა, მთელი ქვეყნის მასშტაბით პროექტში 1500-მდე მოსწავლე ჩაერთო.
,,სასკოლო რა? სად? როდის?“ პირველ ტურს თბილისში და ფინალს „ბატონი წამყვანი“: გიორგი მოსიძე წარუძღვა.
პროექტის ფინალურ ეტაპზე გაიმართა ,,სასკოლო რა? სად? როდის?“ პარტნიორის, გამომცემლობის „პალიტრა L“ “პორტალი” სერიის წიგნების გამოფენა-გაყიდვა. “პორტალი” გამომცემლობა „პალიტრა L-ის“ სერიაა, რომელიც ფენტეზისა და სამეცნიერო ფანტასტიკის საუკეთესო ლიტერატურულ ნიმუშებს გთავაზობთ.
