2024 წლის 19 სექტემბერს აღმოსავლეთ ევროპის უნივერსიტეტში (EEU) პირველკურსელებისთვის საორიენტაციო დღე გაიმართა.
ღონისძიება გახსნა EEU-ს რექტორმა, პროფესორმა კახაბერ ლაზარაშვილმა. მან პირველკურსელებს ახალი სასწავლო წლის დაწყება მიულოცა და წარმატებები უსურვა.
სტუდენტებს მიესალმნენ განათლების მეცნიერებების ფაკულტეტის დეკანი, ასოცირებული პროფესორი ქეთევან აფთარაშვილი, ბიზნესისა და ინჟინერიის ფაკულტეტის დეკანი, პროფესორი ვასილ კიკუტაძე და მისი მოადგილე, ასოცირებული პროფესორი თამთა ლეკიშვილი, იურიდიულ და სოციალურ მეცნიერებათა ფაკულტეტის დეკანის მოადგილე, ასოცირებული პროფესორი ზუხრა მაცაბერიძე.
პირველკურსელები საორიენტაციო დღის ფარგლებში გაეცნენ:
- სასწავლო პროცესთან დაკავშირებულ საკითხებს;
- აღმოსავლეთ ევროპის უნივერსიტეტის საერთაშორისო თანამშრომლობასა და გაცვლით პროგრამებს;
- საუნივერსიტეტო სტიპენდიებსა და დაფინანსების მრავალფეროვან სერვისებს;
- სტუდენტურ მხარდამჭერ სერვისებს.
საორიენტაციო დღის ფარგლებში პირველკურსელებს აღმოსავლეთ ევროპის უნივერსიტეტის სტუდენტური თვითმმართველობის წევრებიც შეხვდნენ და მათ სტუდენტური ღონისძიებები, პროექტები წარუდგინეს.
შეხვედრა დამსწრე აუდიტორიის აქტიური ჩართულობით, კითხვა-პასუხის რეჟიმში წარიმართა.
თქვენი წარმატება იწყება EEU-ში!
