აღმოსავლეთ ევროპის უნივერსიტეტი (EEU) ციურიხის კანტონის პრობაციისა და სასჯელაღსრულების სამსახურების (BVD) სასწავლო პროგრამების დეპარტამენტთან და საქართველოს შინაგან საქმეთა სამინისტროსთან თანამშრომლობით იწყებს საგზაო უსაფრთხოების შესახებ ცნობიერების ამაღლების შესახებ ტრენინგ-კურსების კვირეულს.
ღონისძიებას ახორციელებს ფონდი „პარტნიორობა საგზაო უსაფრთხოებისთვის“ (PFRS) და „გლობალური კავშირები საქართველო“ (GGC).
სასწავლო პროგრამის მიზანია საგზაო უსაფრთხოების შესახებ ცოდნისა და ცნობიერების ამაღლება. ასევე, მისი მიზანია ეფექტური წვლილი შეიტანოს ალკოჰოლური ზემოქმედების ქვეშ ავტოსატრანსპორტო საშუალების მართვის საშუალების მართვის რეციდივის შემცირებაში, შეძლებისდაგვარად, ადრეული და ყოველდღიურობასთან მიახლოებული ინტერვენციით
კვირეულის მიმდინარეობისას შვეიცარიულ-ქართული პროგრამის ფარგლებში განხორციელდება ალკოჰოლური ზემოქმედების ქვეშ ავტოსატრანსპორტო საშუალების მართვის პრევენციის ტრენინგები (LPDD).
LPDD (Learning Program for Drunk Drivers) არის ციურიხის კანტონის პრობაციისა და სასჯელაღსრულების სამსახურების (BVD) ოცწლიანი გამოცდილების მქონე ქართული კანონმდებლობის საფუძველზე ადაპტირებული სასწავლო პროგრამა ნასვამი მძღოლებისათვის.
ტრენინგები ხორციელდება ფსიქოლოგთა ჯგუფის მიერ;
კვირეულის ფარგლებში 20, 22 და 24 მარტს გაიმართება ტრენინგ-კურსი და შეგიძლიათ მონაწილეობა მიიღოთ თქვენთვის სასურველ ერთ-ერთ დღეს:
- 20.03.2023; 19:00 საათზე
- 22.03.2023, 15:00 საათზე
- 24.03.2023, 13:00 საათზე
სამიზნე ჯგუფი: აღმოსავლეთ ევროპის უნივერსიტეტის სტუდენტები და თანამშრომლები;
სამუშაო ენა: ქართული;
ფორმატი და ადგილი: პირისპირ, აღმოსავლეთ ევროპის უნივერსიტეტი, საკონფერენციო დარბაზი – 401
პროგრამაში მონაწილე პირებს, რომლებიც წარმატებით გაივლიან კურსს, გადაეცემათ სერტიფიკატები და ბეჭდური სახით სასწავლო მასალა.