აღმოსავლეთ ევროპის უნივერსიტეტის სამეცნიერო კვლევებისა და განვითარების დეპარტამენტისა და თბილისის ჰუმანიტარული უნივერსიტეტის ორგანიზებით და აშაფენბურგის ტექნიკური უნივერსიტეტის (გერმანია) მხარდაჭერით 14 სექტემბრიდან 21 სექტემბრის ჩათვლით გაიმართა SAP-ის სერტიფიცირებული ტრენინგი სტუდენტების, კურსდამთავრებულებისა და დამსაქმებლებისათვის.
SAP® არის საწარმოს პროგრამული უზრუნველყოფის წამყვანი პროვაიდერი, რომელიც ეხმარება კომპანიებსა და მთავრობებს მსოფლიოს მასშტაბით კლიენტებთან ურთიერთობის გაუმჯობესებაში, პარტნიორებთან თანამშრომლობასა და ბიზნეს ოპერაციების ეფექტურობის ზრდაში.
დღეისათვის, SAP®-ს ჰყავს 335.000-ზე მეტი მომხმარებელი, მათ შორის მრავალი მსხვილი კორპორაციები და Dax-კომპანიები. SAP®-ს იყენებს დაახლოებით 12 მილიონი მომხმარებელი მთელს მსოფლიოში.
ტრენინგებს უძღვებოდა ტრენერი გერმანიიდან, ერნსტ შულთენი – SAP® S/4HANA-ს სერტიფიცირებული ტრენერი, რომელიც ამჟამად უძღვება 150-ზე მეტ კურსს უნივერსიტეტებსა და კომპანიებში მთელი მსოფლიოს მასშტაბით, მათ შორის აშშ-ში, გაერთიანებულ სამეფოში, ესპანეთში, შვეიცარიაში, ფინეთსა და ახლო აღმოსავლეთის რეგიონში.
ტრენინგებთან ერთად ერნსტ შულთენი შეხვდა აღმოსავლეთ ევროპის უნივერსიტეტის წარმომადგენლებს. მხარეებმა განიხილეს სამომავლო თანამშრომლობა აღმოსავლეთ ევროპის უნივერსიტეტსა და აშაფენბურგის ტექნიკურ უნივერსიტეტებს შორის.
