დაიწყო მონაწილეების შერჩევა სეზონური სკოლის პროექტში “კიბერ უსაფრთხოებისა და 5G-ს ლიგა”.
პროექტი ხორციელდება აღმოსავლეთ ევროპის უნივერსიტეტისა და შოთა რუსთაველის საქართველოს ეროვნული სამეცნიერო ფონდის ფინანსური მხარდაჭერით კავკასიის უნივერსიტეტის ბაზაზე.
სეზონური სკოლის ტრენერები არიან ადგილობრივი და საერთაშორისო სპეციალისტები 5 სხვადასხვა ქვეყნიდან ( აშშ, საფრანგეთი, იტალია, ესპანეთი, ლიეტუვა, რუმინეთი და უკრაინა).
სკოლის ფარგლებში მსმენელები შეისწავლიან კიბერ უსაფრთხოებას, 5G უსაფრთხოებას, ხელოვნურ ინტელექტს და მის გამოყენებას კიბერ უსაფრთხოებაში, კვანტურ და პოსტ-კვანტურ კრიპტოგრაფიას, ეთიკურ ჰაკინგს, ასევე ელექტრომობილებს, დრონებს და მათ აპლიკაციებს, ნივთების ინტერნეტს 5G-ის კონტექსტში, blockchain ტექნოლოგიას, ISO სტანდარტებს და GDPR შესაბამისობის მოთხოვნებს.
პროექტში მონაწილეობის მიღება შეუძლიათ აღმოსავლეთ ევროპის უნივერსიტეტის ბაკალავრიატის, მაგისტრატურისა და დოქტორანტურის სტუდენტებს.
მონაწილეობის პირობები და ვადები:
სეზონურ სკოლაში დაშვების წინაპირობა: ინგლისური ენის ცოდნა.
შეავსეთ სარეგისტრაციო ფორმა ინგლისურ ენაზე ბმულზე.
შენიშვნა: პროექტში მონაწილეობის მსურველებმა ყურადღება მიაქციეთ სამოტივაციო წერილის ველს, სადაც უნდა ჩაწეროთ მაქსიმუმ 150 სიტყვით ის, თუ რატომ გსურთ პროექტში ჩართვა და რატომ უნდა აგირჩიონ თქვენ;
კანდიდატთა შერჩევის პროცესის დასრულების ვადა: არაუგვიანეს 2 სექტემბერი
საზაფხულო სკოლის განხორციელების პერიოდი: 5 -18 სექტემბერი.
სეზონურ სკოლაში მონაწილეობა სრულად დაფინანსებულია.
განხორციელების ადგილი: კავკასიის უნივერსიტეტი, პაატა სააკაძის ქ. #1
საკონტაქტო ინფორმაცია:
ნათია გეგელაშვილი – სამეცნიერო კვლევებისა და განვითარების დეპარტამენტის უფროსი სპეციალისტი