აღმოსავლეთ ევროპის უნივერსიტეტი (EEU) ევროპის სიმულაციების საზოგადოების (SESAM) ინსტიტუციური წევრი გახდა. SESAM-ის მისიაა უზრუნველყოს სიმულაციური მეთოდების განვითარება და ინტეგრაცია ჯანდაცვისა და სამედიცინო განათლების სფეროში.
აღნიშნული ორგანიზაციის წევრობა EEU-ს კლინიკური და პრაქტიკული უნარ-ჩვევების განვითარების ცენტრისთვის მნიშვნელოვან შესაძლებლობას ქმნის ევროპის სხვადასხვა სიმულაციურ ცენტრებთან თანამშრომლობისთვის, საერთაშორისო გამოცდილების გაცნობისა და გაზიარებისთვის, ინოვაციური სიმულაციური მეთოდოლოგიის ათვისებისა და მისი ინტეგრაციისთვის სწავლების, შეფასებისა და კვლევის მიმართულებით, ჯანდაცვის მეცნიერებათა ფაკულტეტის სტუდენტებისთვის კლინიკური და პრაქტიკული უნარ-ჩვევების განვითარების ხელშეწყობისთვის.