თბილისის სახელმწიფო უნივერსიტეტის ლექსიკოგრაფიული ცენტრი და მოძრაობა „არა ბარბარიზმებს!“ სოციალურ ქსელში ბრუნდება ახალი კონკურსებით.
კონკურსის „შექმენი შენი ტერმინი“ პარტნიორები და მხარდამჭერები არიან:
თანამედროვე ქართულ ტერმინოლოგიაზე დაკვირვება ცხადყოფს, რომ იგი ძირითადად ივსება უცხო ენიდან ტრანსლიტერაციის გზით შემოსული ტერმინებით და რომ საქართველოში თითქმის მთლიანად შეჩერებულია ტერმინოლოგიური მუშაობა.
ამ ვითარების გამოსწორებას ისახავს მიზნად კონკურსი „შექმენი შენი ტერმინი“, რომელიც გამიზნულია როგორც სკოლის მოსწავლეებისათვის (VII – XII კლასები), ისე სტუდენტებისათვის.
კონკურსზე დარეგისტრირებული ახალგაზრდებისათვის:
კონკურსანტებს გადაეცემათ ტერმინები, რომლებიც მათ უნდა შეისწავლონ და საკონკურსო ჟიურის შესთავაზონ ტერმინთა მარჯვე ქართული ეკვივალენტები. კონკურსანტებმა უნდა დაწერონ ესეი, რომელშიც აღწერენ ტერმინს და დაასაბუთებენ მათ მიერ შერჩეული ქართული ეკვივალენტის მართებულობას.
გამარჯვებული კონკურსანტები დაჯილდოვდებიან ქართული ენის დღეს, ხოლო გამარჯვებული ტერმინები შევა ლექსიკონებში და ასე დამკვიდრდება დარგში. ლექსიკონების ბლოგებზე გამოქვეყნდება ყველა ქართული ტერმინის ავტორის გვარი.
კონკურსი გაიმართება ყოველწლიურად. ყოველ წელს შეირჩევა რამდენიმე პრიორიტეტული დარგი. აღნიშნული დარგებისთვის შეიქმნება ექსპერტთა საბჭოები, რომლებშიც მოწვეულ იქნებიან დარგის ცნობილი წარმომადგენლები. ტერმინოლოგიის სპეციფიკიდან გამომდინარე, საჭიროა ქართული ტერმინი მოიწონონ დარგის ცნობილმა წარმომადგენლებმა. ეს ხელს შეუწყობს ტერმინის დამკვიდრებას და პოპულარიზაციას.
წლევანდელი კონკურსის პრიორიტეტული დარგებია: მედიცინა, თანამედროვე საინფორმაციო ტექნოლოგიები, პერსონალის მართვა. პრიორიტეტული დარგების შერჩევა არ გამორიცხავს ნებისმიერი სხვა დარგის ტერმინოლოგიაზე მუშაობას.
კონკურსზე დარეგისტრირებისათვის საჭიროა ელ-ფოსტაზე terminology@dictionary.ge გააგზავნოთ შემდეგი ინფორმაცია: სახელი, გვარი, სკოლა/უნივერსიტეტი, ტელეფონის ნომერი, ელ-ფოსტის მისამართი.
კონკურსზე რეგისტრაცია შესაძლებელია მიმდინარე წლის 20 ნოემბრამდე.
კონკურსზე დარეგისტრირებული პირები კონკურსის მსვლელობის ეტაპების შესახებ ინფორმაციას მიიღებენ ეტაპობრივად.
