აღმოსავლეთ ევროპის უნივერსიტეტის სტუდენტური კლუბის Sports and Cultural Society (SCS) ორგანიზებით და უნივერსიტეტის ადმინისტრაციის მხარდაჭერით, ჯანდაცვის მეცნიერებათა ფაკულტეტის სტუდენტებისთვის სპორტული ღონისძიებების სერია გაიმართა.
ღონისძიებები მოიცავდა სხვადასხვა სპორტის სახეობას: კრიკეტს, ჭადრაკს, ფეხბურთს, ბადმინტონსა და ხელბურთს. სპორტული აქტივობების სერია 23 მაისიდან 20 ივნისის ჩათვლით მიმდინარეობდა და მასში 100-ზე მეტი სტუდენტი ჩაერთო, როგორც ინდივიდუალური, ისე გუნდური სახით.
სპორტის სხვადასხვა სახეობაში გამარჯვებულები – პირველი, მეორე და მესამე ადგილის მფლობელი სტუდენტები და გუნდები 11 ივლისს, EEU კულტურის ფესტივალის – Charisma 2025-ის ფარგლებში მედლებითა და თასებით საზეიმოდ დაჯილდოვდნენ.
ღონისძიებამ კიდევ ერთხელ გაუსვა ხაზი სტუდენტების აქტიურ ჩართულობას, ჯანმრთელი ცხოვრების წესის პოპულარიზაციასა და გუნდური სულისკვეთების გაძლიერებას.
