აღმოსავლეთ ევროპის უნივერსიტეტი აცხადებს 2023-2024 სასწავლო წლის შემოდგომის სემესტრში Erasmus+ სტიპენდიით ბუქარესტის ეკონომიკის უნივერსიტეტში მობილობას (STA) ბიზნესის ადმინისტრირების მიმართულების აკადემიური პერსონალისათვის.
მობილობა ცხადდება ევროკომისიის მიერ დაფინანსებული Erasmus+ პროგრამის ფარგლებში, რომელიც ხორციელდება EEU და ბუქარესტის ეკონომიკის უნივერსიტეტს შორის გაფორმებული საპარტნიორო ხელშეკრულების საფუძველზე.
ბუქარესტის ეკონომიკის უნივერსიტეტი არის ერთ-ერთი საუკეთესო უნივერსიტეტი რუმინეთში, 12 ფაკულტეტითა და 21 000-ზე მეტი სტუდენტით.
აღმოსავლეთ ევროპის უნივერსიტეტის აკადემიურ პერსონალს ბიზნესის ადმინისტრირების მიმართულებით გეძლევათ უნიკალური შესაძლებლობა სრული დაფინანსებით 5/7 დღე გაატაროთ ბუქარესტის ეკონომიკის უნივერსიტეტში, აიმაღლოთ კვალიფიკაცია და გაიზიაროთ გამოცდილება.
Erasmus+ პერსონალის მობილობის პროგრამა მოიცავს ინდივიდუალურ მხარდაჭერას და მგზავრობის ხარჯის ანაზღაურებას.
აკადემიური პერსონალის შესარჩევი პროცესი:
სტიპენდიანტთა შერჩევა განხორციელდება ღია კონკურსის წესით.
საკონკურსო დოკუმენტაციის წარმოდგენის ვადები: 03/07/2023 – 10/07/2023
მონაწილეობის მსურველმა კანდიდატებმა განაცხადი დადგენილი წესით, შესაბამის ვადებში, უნივერსიტეტში უნდა წარმოადგინონ.
წარმოსადგენი დოკუმენტების ნუსხა:
- განცხადება;
- სამოტივაციო წერილი;
- სააპლიკაციო ფორმა (აკადემიური პერსონალისთვის)
შენიშვნა: კანდიდატს უნდა უდასტურდებოდეს ინგლისური ენის ცოდნა (ინგლისურ ენაზე სწავლების გამოცდილება, განათლება ინგლისურ ენაზე, მოხსენებები ინგლისურ ენაზე ან ინგლისური ენის ცოდნის დამადასტურებელი სერთიფიკატი).
საბუთების მიღება იწარმოებს EEU-ს საერთაშორისო ურთიერთობების სამსახურში (ოთახი 102) 10:00 სთ-დან 18:00 სთ-მდე, ან ელექტრონული ფოსტის მისამართზე: international@eeu.edu.ge
დამატებითი ინფორმაციისთვის ან კითხვების არსებობის შემთხვევაში დაგვიკავშირდით:
EEU-ს საერთაშორისო ურთიერთობების დეპარტამენტი, ოთახი 102
598 931 395, t.tabatadze@eeu.edu.ge, international@eeu.edu.ge