შპს დაოლი ეროვნული და კორპორაციული უსაფრთხოების სასწავლო-კვლევით ცენტრთან ( NSC ) თანამშრომლობით გთავაზობთ სტაჟირების პროგრამას სახელწოდებით “სადაზვერვო საქმიანობის როლი ეროვნულ უსაფრთხოებასა და საერთაშორისო ურთიერთობებში”. აღნიშნულის ფარგლებში მონაწილეები გააცნობიერებენ არა მხოლოდ სახელმწიფოს როლს ეროვნულ და მოქალაქეთა პირად უსაფრთხოებაში, არამედ – სადაზვერვო საქმიანობის მნიშვნელობას ეროვნულ უსაფრთხოებასა და საერთაშორისო ურთიერთობებში.
პროგრამის მიზანია სახლმწიფო ან კორპორაციულ სექტორში დასაქმებულთა ცნობიერების ამაღლება უცხო სახელმწიფოთა სადაზვერვო საქმიანობისა და კორპორაციული ჯაშუშობის დამაზიანებელი შედეგების შესახებ; ეროვნული უსაფრთხოების სადაზვერვო საქმიანობის ექსპერტ – ანალიტიკოსის, ეფექტური კომუნიკაციის, კონფლიქტების მოგვარების, სტრატეგიების უნარების გამომუშავება. გარდა აღნიშნულისა, სტაჟირების ეს პროგრამა ხელს შეუწყობს კიბერსაფრთხეების ირგვლივ სახელმწიფოსა და პირადი უსაფრთხოების კუთხით მონაწილეთა ცნობირების ამაღლებასაც.
სტაჟირების პროგრამას დასკვნით ეტაპზე ჩატარდება სამეცნიერო კონფერენცია შემდეგი სახელწოდებით: ,,სადაზვერვო საქმიანობის როლი ეროვნულ უსაფრთხოებასა და საერთაშორისო ურთიერთობებში“. მონაწილეთა ნაშრომები კი გამოქვეყნდება არა მხოლოდ სამეცნიერო ჟურნალში ,,ეროვნული და კორპორაციული უსაფრთხოება (შრომების კრებული)“, არამედ საქართველოს პარლამენტის ეროვნული ბიბლიოთეკისა და ორგანიზაციების ვებგვერდებზეც.
სტაჟირების პროგრამის დასრულების შემდეგ მონაწილეებს გადაეცემათ სტაჟირების დამადასტურებელი და სამეცნიერო კონფერენციაში მონაწილეობის სერთიფიკატები, სადაზვერვო საკითხებზე შექმნილი მონოგრაფია და სარეკომენდაციო წერილი.
დამატებითი ინფორმაცია იხილეთ ბმულზე: https://eeu.edu.ge/wp-content/uploads/2020/06/სტაჟირების-პროგრამა.pdf