ფონდი ლიდერები ცვლილებებისთვის (Leaders of Change) აცხადებს ღია კონკურსს ლენ კირკლენდის სახელობის კვლევითი სტიპენდიების მოსაპოვებლად პოლონეთში 2024-2025 აკადემიური წლისთვის.
პროგრამაში მონაწილეობის მიღება შეუძლიათ საქართველოს მოქალაქე, 45 წლამდე ასაკის მკვლევრებს, რომლებიც ფლობენ დოქტორის აკადემიურ ხარისხს, ამჟამად უკავიათ აკადემიური თანამდებობა და ბოლო ორი წლის მანძილზე არ მიუღიათ მონაწილეობა საზღვარგარეთ 6 თვეზე მეტი ხანგრძლივობის მქონე ნებისმიერ სტიპენდიაში. ამასთანავე, კანდიდატებს უნდა ჰქონდეთ მინიმუმ 4 წლიანი სამეცნიერო-კვლევითი საქმიანობის გამოცდილება და სამეცნიერო მიღწევები (ნაშრომების ჩათვლით).
სასტიპენდიო პროგრამა მოიცავს კვლევის, საცხოვრებლის, დაზღვევის, მგზავრობის ხარჯების დაფინანსებასა და ყოველთვიურ სტიპენდიას.
მობილობის ხანგრძლივობა: 1 სემესტრი (სექტემბერი 2024 – იანვარი 2025)
ყოველთვიური სტიპენდია: 2,700 პოლონური ზლოტი
დეტალური ინფორმაცია იხ. ბმულზე: https://kirkland.edu.pl/