ქ. ბათუმის მერია ახორციელებს პროგრამას „ლუკა ასათიანის სახელობის სტიპენდია წარმატებული სტუდენტებისათვის“. პროგრამა ითვალისწინებს სტიპენდიის გაცემას საბაკალავრო და სამაგისტრო საგანმანათლებლო პროგრამებზე ჩარიცხულ იმ სტუდენტებზე, რომლებიც უმაღლეს სასწავლებლებში ჩარიცხვის მომენტისთვის რეგისტრირებულნი არიან ქ. ბათუმის მუნიციპალიტეტის ტერიტორიაზე და 2022-2023 სასწავლო წლის შემოდგომის სემესტრში მიღებული აქვთ დადებითი შეფასება ( პრიორიტეტულ მიმართულებაზე – 81 ქულა და მეტი; სხვა დანარჩენ მიმართულებებზე – 91 ქულა და მეტი);
სტიპენდიის გაცემის დროს პირველ ეტაპზე განიხილება დაფინანსების საკითხი იმ კონკურსანტებისა, რომლებიც სწავლობენ შემდეგ პრიორიტეტულ საგანმანათლებლო პროგრამებზე/დარგებზე/მიმართულებებზე და მიღებული აქვთ დადებითი შეფასება – 81 ქულა და მეტი:
- არქიტექტურა;
- განათლების მეცნიერებები;
- აგრობიზნესის მენეჯმენტი;
- ურბანული დაგეგმარება;
- საჯარო მმართველობა;
მეორე ეტაპზე განიხილება იმ კონკურსანტების დაფინანსების საკითხი, რომლებიც სწავლობენ სხვა დანარჩენ საგანმანათლებლო პროგრამებზე/დარგებზე/მიმართულებებზე და და მიღებული აქვთ დადებითი შეფასება – 91 ქულა და მეტი
განაცხადის მიღების ვადები:
2022-2023 სასწავლო წლის შემოდგომის სემესტრში მიღებული შეფასების მიხედვით, განცხადებები მიმდინარე წლის 27 თებერვალიდან 31 მარტის ჩათვლით მიიღება.
კონკურსთან დაკავშირებით დეტალური ინფორმაცია იხილეთ ბმულზე: https://batumi.ge/ge/?page=show&sec=109