აღმოსავლეთ ევროპის უნივერსიტეტის (EEU) იურიდიულ და სოციალურ მეცნიერებათა ფაკულტეტისა და ახალგაზრდა საჯარო მოხელეთა აუდიტორია ,,ასმას” ორგანიზებით, 2024 წლის 24 მაისს გაიმართა სტუდენტური სამეცნიერო კონფერენცია: „თანამედროვე მიგრაციული პროცესები და ტრეფიკინგი“.
ღონისძიება გახსნა აღმოსავლეთ ევროპის უნივერსიტეტის ვიცე-რექტორმა სამეცნიერო საკითხებში – პროფესორმა შალვა მაჭავარიანმა.
კონფერენციის მონაწილეებს აღმოსავლეთ ევროპის უნივერსიტეტის რექტორი, პროფესორი კახაბერ ლაზარაშვილი და ახალგაზრდა საჯარო მოხელეთა აუდიტორია „ასმას“ დამფუძნებელი, ასოცირებული პროფესორი სოფო ჩქოფოია მიესალმნენ.
სტუდენტურ კონფერენციაში მონაწილეობა მიიღეს EEU-ს საერთაშორისო ურთიერთობის საბაკალავრო და საჯარო მმართველობის სამაგისტრო პროგრამის სტუდენტებმა, ასევე საქართველოს უმაღლესი საგანმანათლებლო დაწესებულების სხვადასხვა პროგრამის სტუდენტებმა.
ღონისძიებას ასევე ესწრებოდნენ ორგანიზატორი უნივერსიტეტის აკადემიური და ადმინისტრაციული პერსონალი, სტუდენტები და დარგის სხვა სპეციალისტები.
კონფერენციის მსვლელობისას მონაწილეებმა წარმოადგინეს მოხსენებები ისეთ აქტუალურ საკითხებზე, როგორიცაა: არალეგალური მიგრაცია და ტრეფიკინგის საფრთხე, მიგრაცია – ქვეყნის მასტიმულირებელი თუ შემაფერხებელი ფაქტორი? ინტელექტუალური მიგრაციის თანამედროვე ტენდენციების გავლენა საქართველოზე ე.წ „ტვინების გადინება“, მიგრაციის ზეგავლენა საქართველოში მიგრანტთა მიერ დატოვებულ ბავშვებზე, უცხო ქვეყნის მოქალაქისთვის საქართველოს მოქალაქეობის მინიჭების საკითხი, არსებული პრობლემები და გამოწვევები, შრომითი მიგრაცია და ტრეფიკინგის საფრთხე ქალებში, ბავშვთა ტრეფიკინგი, არსებული მდგომარეობა და მის აღმოფხვრასთან დაკავშირებული სირთულეები და ა.შ.
კონფერენციაზე წარმოდგენილმა პრეზენტაციებმა მაღალი დაინტერესება გამოიწვია, როგორც სტუდენტების, ისე დამსწრე აუდიტორიის მხრიდან, რაც გამოიხატა მათი აქტიურობითა და დისკუსიაში მონაწილეობის მიღებით.
კონფერენციის ბოლოს სტუდენტებს გადაეცათ სერტიფიკატები კონფერენციაში წარმატებით მონაწილეობისათვის.
კონფერენციის პროგრამა იხ. ბმულზე
