აღმოსავლეთ ევროპის უნივერსიტეტის ვიცე-რექტორმა საერთაშორისო და ადმინისტრაციულ საკითხებში, პროფესორმა კახაბერ ლაზარაშვილმა EEU სტუდენტთან ერთად მონაწილეობა მიიღო ახალგაზრდული ფესტივალის გახსნის ღონისძიებაში.
ფესტივალი, რომელიც 2014 წლიდან იმართება, მიმდინარე წელს საქართველოს მასშტაბით 20 000-ზე მეტ სტუდენტს აერთიანებს და სთავაზობს მათ 45 სპორტულ, საგანმანათლებლო, კულტურულ და შემეცნებით აქტივობას.
აღმოსავლეთ ევროპის უნივერსიტეტი (EEU) ტრადიციულად აქტიურად მონაწილეობს „სტუდფესტში“.
ახალგაზრდულ ფესტივალზე EEU-ს სტუდენტებმა წარმატებით დაიწყეს ასპარეზობა და საპრიზო ადგილებიც მოიპოვეს.
EEU ულოცავს გამარჯვებულებს და სტუდენტებს მომავალშიც არაერთ წარმატებას უსურვებს!
“სტუდფესტი 2026” საქართველოს განათლების, მეცნიერებისა და ახალგაზრდობის სამინისტროს ინიციატივით, სსიპ ახალგაზრდობის სააგენტოს დაფინანსებით ტარდება. ორგანიზატორები არიან: თბილისის მერია, რუსთავის მერია და საქართველოს სტუდენტური ორგანიზაციების ასოციაცია.
