ღონისძიება გახსნა EEU-ს განათლების დეპარტამენტის ხელმძღვანელმა, ასოცირებული პროფესორმა ქეთევან აფთარაშვილმა, რომელმაც სკოლის მოსწავლეებს მიაწოდა დეტალური ინფორმაცია აღმოსავლეთ ევროპის უნივერსიტეტის საერთაშორისო თანამშრომლობისა და გაცვლითი პროგრამების, საუნივერსიტეტო სტიპენდიებისა და სწავლის დაფინანსების მრავალფეროვანი პირობების, სტუდენტური მხარდამჭერი სერვისებისა და უპირატესობების შესახებ.
სკოლის მოსწავლეებს ასევე მიესალმნენ იურიდიულ და სოციალურ მეცნიერებათა ფაკულტეტის დეკანის მოადგილე, ასოცირებული პროფესორი ზუხრა მაცაბერიძე და ბიზნესისა და ინჟინერიის ფაკულტეტის დეკანის მოადგილე, ასოცირებული პროფესორი თამთა ლეკიშვილი.
შეხვედრის მეორე ეტაპზე მოსწავლეებს სიმულაციური ბიზნეს გეგმის შედგენის პრინციპებზე ტრენინგი ჩაუტარა ბიზნესისა და ინჟინერიის ფაკულტეტის აკადემიურმა პერსონალმა – თამთა ლეკიშვილმა, თინათნ როდონაიამ და ნინო ზავრაშვილმა.
აქტივობა მოიცავდა პრაქტიკული დავალებების კომპონენტსაც. სკოლის მოსწავლეებმა ჯგუფურად შექმნეს და აუდიტორიის წინაშე წარადგინეს სიმულაციური ბიზნეს გეგმა.
ღონისძიების ფარგლებში გამოვლინდა საუკეთესო სიმულაციური ბიზნეს გეგმა, რომლის ავტორებს EEU-სგან გადაეცათ სასწავლო ვაუჩერები.
გამარჯვებული და საუკეთესო ბიზნეს პროექტის ავტორი გახდა გუნდი GoPic
- ბარბარე მჭედლიშვილი – ქ. თბილისის 108-ე საჯარო სკოლა;
- ელენე უფლისაშვილი – ქ. თბილისის 108-ე საჯარო სკოლა;
- ნინო არდაზიშვილი – ქ. თბილისის 108-ე საჯარო სკოლა;
- ლუკა ფეტელავა – ქ. თბილისის 221-ე საჯარო სკოლა;
- რატი თათულაშვილი – ქ. თბილისის 221-ე საჯარო სკოლა.
ვორქშოპის მონაწილეებს გადაეცათ სერტიფიკატი.
EEU-ში გრძელდება საინტერესო, ინტელექტუალურ-შემეცნებითი და გასართობი აქტივობების ციკლი.
განრიგი იხილეთ ბმულზე.
არ გამოტოვოთ ღია კარის დღეები აღმოსავლეთ ევროპის უნივერსიტეტში, თუ ჯერ არ დარეგისტრირებულხართ, შეავსეთ სარეგისტრაციო ფორმა.
