აღმოსავლეთ ევროპის უნივერსიტეტში (EEU) ცხადდება საზაფხულო სკოლა სადოქტორო საფეხურზე სწავლით დაინტერესებული პირებისთვის აკადემიური და კვლევითი უნარების განვითარების საკითხებზე.
კურსი აერთიანებს თეორიულ და მეთოდოლოგიურ ტრენინგს და მიზნად ისახავს, სადოქტორო პროგრამით დაინტერესებული კანდიდატების მომზადებას სადოქტორო სწავლებისათვის.
სადოქტორო საზაფხულო სკოლა ორგანიზებულია EEU-ს განათლების მეცნიერებების ინგლისურენოვანი სადოქტორო პროგრამის ფარგლებში, რომელიც ხორციელდება აღმოსავლეთ ევროპის უნივერსიტეტში მიდლსექსის უნივერსიტეტის განათლების დეპარტამენტის მხარდაჭერით.
საზაფხულო სკოლა დაფინანსებულია აღმოსავლეთ ევროპის უნივერსიტეტის მიერ.
საზაფხულო სკოლის მონაწილეებს ასევე, შესაძლებლობა ეძლევათ დაესწრონ დოქტორანტთა ყოველწლიურ სამეცნიერო კონფერენციას, რომელიც მიზნად ისახავს ისეთი პლატფორმის შექმნას, სადაც დოქტორანტები და დოქტორანტობის კანდიდატები შეძლებენ საკუთარი პოზიციების გამოხატვას, იდეებისა და მიგნებების ურთიერთგაცვლას, კვლევითი უნარების განვითარებას, პროდუქტიული დისკუსიების წარმართვას.
საზაფხულო სკოლას გაუძღვება დოქტორი პოლ გიბსი – მიდლსექსის უნივერსიტეტის უმაღლესი განათლების ემერიტუსი პროფესორი, EEU-ს პროფესორი, განათლების მეცნიერებების სადოქტორო პროგრამის, სადოქტორო და უმაღლესი განათლების კვლევების განვითარების ცენტრის ხელმძღვანელი EEU-ში,.
კურსის ხანგრძლივობა: 31/08/2023 წ. – 03/09/2023 წ.
სამუშაო ენა: ინგლისური
საზაფხულო სკოლაში ადგილების რაოდენობა შეზღუდულია. საზაფხულო სკოლის წარმატებულ კურსდამთავრებულებს ეძლევათ შესაძლებლობა, EEU-ს განათლების მეცნიერებების ინგლისურენოვან სადოქტორო პროგრამაზე მისაღები გამოცდები ჩააბარონ წარმატებით და მოიპოვონ საუნივერსიტეტო დაფინანსება.
კურსზე რეგისტრაციისთვის ბმული: https://forms.gle/3AtktCiy2ejfeUeL7
კურსზე რეგისტრაციის ბოლო ვადა: 2023 წლის 15 აგვისტო