აღმოსავლეთ ევროპის უნივერსიტეტის დაფინანსებით 31 აგვისტოდან 3 სექტემბრის ჩათვლით მიმდინარეობდა სადოქტორო საზაფხულო სკოლა.
სადოქტორო საზაფხულო სკოლა განხორციელდა EEU-ს განათლების მეცნიერებების ინგლისურენოვანი სადოქტორო პროგრამის ფარგლებში და მიზნად ისახავდა სადოქტორო პროგრამით დაინტერესებული კანდიდატების მომზადებას სადოქტორო სწავლებისათვის.
საზაფხულო სკოლას ხელმძღვანელობას უწევდა დოქტორი პოლ გიბსი, რომელიც არის მიდლსექსის უნივერსიტეტის უმაღლესი განათლების ემერიტუსი პროფესორი, EEU-ს პროფესორი, განათლების მეცნიერებების სადოქტორო პროგრამის, სადოქტორო და უმაღლესი განათლების კვლევების განვითარების ცენტრის ხელმძღვანელი EEU-ში.
საზაფხულო სკოლის გახსნის ეტაპზე მსმენელებს მიესალმა აღმოსავლეთ ევროპის უნივერსიტეტის რექტორი, პროფესორი კახაბერ ლაზარაშვილი, განათლების მეცნიერებების დეკანი, ქეთევან აფთარაშვილი და განათლების მეცნიერებების სადოქტორო პროგრამის ხელმძღვანელები – პროფ. პოლ გიბსი, პროფ. შალვა ტაბატაძე.
დოქტორ პოლ გიბსთან ერთად მონაწილეების აკადემიური და კვლევითი უნარების გაუმჯობესებასთან დაკავშირებით ლექციები წაიკითხეს საზაფხულო სკოლის განხორციელებაში ჩართულმა პროფესორ-მასწავლებლებმა:
- შალვა ტაბატაძე – პროფესორი, EEU-ს განათლების მეცნიერებების ფაკულტეტის საბჭოს წევრი;
- დავით სიხარულიძე – პროფესორი, EEU-ს სამეცნიერო კვლევებისა და განვითარების დეპარტამენტის უფროსი.
- გიორგი თავაძე – პროფესორი, EEU-ს ინტერდისციპლინური კვლევების ცენტრის ხელმძღვანელი;
- ქეთევან აფთარაშვილი – ასოცირებული პროფესორი, EEU-ს განათლების მეცნიერებების ფაკულტეტის დეკანი;
სადოქტორო საზაფხულო სკოლის მონაწილეები ასევე დაესწრნენ სადოქტორო და უმაღლესი განათლების კვლევების განვითარების ცენტრისა (EEU) და EEU განათლების მეცნიერებების ფაკულტეტის ორგანიზებით გამართულ დოქტორანტთა ყოველწლიურ ეროვნულ სამეცნიერო კონფერენციას, მოისმინეს საქართველოს სხვადასხვა კერძო და საჯარო უნივერსიტეტის დოქტორანტების მოხსენებები და ჩაერთვნენ პანელურ დისკუსიებში.
სადოქტორო საზაფხულო სკოლის ყველა მონაწილეს გადაეცა სერტიფიკატები.
