თეონა ლომთაძე (ასისტენტ-პროფესორი) 
მიმართულება: ფსიქოლოგია;
ფსიქოლოგთა და ფსიქოთერაპევტთა ასოციაციის (ფფა) გამგეობის წევრი.
თეონა ლომთაძე არის ფსიქოლოგთა და ფსიქოთერაპევტთა ასოციაციის (ფფა) გამგეობის წევრი, სოციალური ფსიქოლოგიის განყოფილების ხელმძღვანელი, ასევე არაკომერციული იურიდიული პირის „უკეთესი მომავლისათვის“ დამფუძნებელი, გამგეობის და სამეთვალყურეო საბჭოს წევრი. მას აქვს მრავალწლიანი პედაგოგიური და პროფესიული საქმიანობის გამოცდილება. გასულ წლებში იყო საქართველოს არასაპატიმრო სასჯელთა აღსრულებისა და პრობაციის ეროვნული სააგენტოს ჯერ თბილისის ბიუროს ფსიქოლოგი, შემდგომ სარეაბილიტაციო პროგრამების სამმართველოს ფსიქოლოგი, გაზეთი „ახალი ეპოქა“-ს ფსიქოლოგიური რუბრიკის „არაცნობიერი“ ავტორი.
თეონა ლომთაძე აქტიურად ეწევა საკონსულტაციო, საექსპერტო და კვლევით საქმიანობას. ის ასევე წარმატებით ახორციელებს სატრენინგო-საპროექტო საქმიანობას, მონაწილეობას იღებს უწყვეტი განათლების ხელშემწყობ ღონისძიებებსა და სამეცნიერო კონფერენციებში. საქართველოს სასჯელაღსრულებისა და პრობაციის სამინისტროს, არასაპატიმრო სასჯელთა აღსრულებისა და პრობაციის ეროვნული სააგენტოს მიერ დაჯილდოვდა სამსახურებრივ მოვალეობათა სანიმუშო და კეთილსინდისიერი შესრულებისთვის.
