მიდლსექსის უნივერსიტეტისა (დიდი ბრიტანეთი) და აღმოსავლეთ ევროპის უნივერსიტეტის (EEU) განათლების მეცნიერებების ფაკულტეტთან თანამშრომლობით სკოლამდელი განათლების შესახებ ტრენინგ-კურსი მიმდინარე წლის 13 აპრილს დაიწყო.
ტრენინგ-პროგრამა შემუშავებულია და მას ხელმძღვანელობს მიდლსექსის უნივერსიტეტის სკოლამდელი განათლების დეპარტამენტის უფროსი, პროფესორი ნიკი სპაულსი, რომელიც EEU-ს ღონისძიების ფარგლებში ეწვია. მასთან ერთად იმყოფებოდა ამავე უნივერსიტეტის სკოლამდელი განათლების დარგის პროფესორი ანჯელა სქოლანი, რომელიც კურსის განხორციელებაშია ჩართული.
ტრენინგი გახსნა აღმოსავლეთ ევროპის უნივერსიტეტის რექტორმა, პროფესორმა კახაბერ ლაზარაშვილმა. აუდიტორიას მიესალმა EEU-ს განათლების მეცნიერებების ფაკულტეტის დეკანი, ასოცირებული პროფესორი ქეთევან აფთარაშვილი.
ტრენინგში მონაწილეობს 25-ზე მეტი მსმენელი, რომლებიც არიან წარმომადგენლები საქართველოს უმაღლესი საგანმანათლებლო დაწესებულებებიდან; ადრეული და სკოლამდელი აღზრდისა და განათლების დაწესებულებებიდან; განათლების, მეცნიერებისა და ახალგაზრდობის სამინისტროს სკოლამდელი განათლების სამმართველოდან; სსიპ – განათლების ხარისხის განვითარების ეროვნული ცენტრიდან; მასწავლებელთა პროფესიული განათლების ეროვნული ცენტრიდან; პროფესიული საგანმანათლებლო დაწესებულებიდან;
ტრენინგი გრძელდება დისტანციურ ფორმატში. მიდლსექსის უნივერსიტეტის მიერ ყველა მსმენელისთვის შეიქმნა ინდივიდუალური ელექტრონული გვერდი დისტანციური სწავლისთვის და საგანმანათლებლო რესურსებზე, მიდლსექსის უნივერსიტეტის ბიბლიოთეკაზე წვდომისთვის.
ღონისძიების შემაჯამებელი დისკუსია და მიდლსექსის უნივერსიტეტის სერტიფიკატის გადაცემა გაიმართება 8 ივნისს, EEU საკონფერენციო დარბაზი.
