მიმდინარე წლის 7-12 ივლისს, აღმოსავლეთ ევროპის უნივერსიტეტის (EEU) წარმომადგენლები Erasmus+ პროგრამის პერსონალის მობილობით ტუშას უნივერსიტეტში (იტალია) იმყოფებოდნენ. დელეგაციას წარმოადგენდნენ EEU-ს ვიცე-რექტორი საგანმანათლებლო პროგრამების განვითარების საკითხში, იურიდიულ და სოციალურ მეცნიერებათა ფაკულტეტის პროფესორი ზვიად როგავა, ვიცე-რექტორი სასწავლო პროცესების ადმინისტრირების საკითხებში, ასოცირებული პროფესორი რუსუდან ჩიქოვანი და იურიდიულ და სოციალურ მეცნიერებათა ფაკულტეტის დეკანი, ასოცირებული პროფესორი ზუხრა მაცაბერიძე.
ვიზიტის ფარგლებში გაიმართა შეხვედრები ტუშას უნივერსიტეტის აკადემიურ და ადმინისტრაციულ პერსონალთან. დაისახა სამომავლო თანამშრომლობის გეგმები საგანმანათლებლო და სამეცნიერო მიმართულებებით.
აღმოსავლეთ ევროპის უნივერსიტეტსა და ტუშას უნივერსიტეტს შორის გაფორმებულია აკადემიური თანამშრომლობის ხელშეკრულება, რომელიც ითვალისწინებს ბინაციონალური სამაგისტრო პროგრამის განხორციელებას. პროგრამის ფარგლებში, EEU-ს სამართლის სამაგისტრო პროგრამის სტუდენტებს შესაძლებლობა აქვთ, სწავლების მეორე წელი გაატარონ ტუშას უნივერსიტეტში Erasmus+ -ის დაფინანსებით და კრედიტების აღიარების საფუძველზე მიიღონ როგორც აღმოსავლეთ ევროპის უნივერსიტეტის სამართლის მაგისტრის, ასევე ტუშას უნივერსიტეტის უსაფრთხოებისა და ადამიანის უფლებების მაგისტრის ხარისხი.