25 მაისს აღმოსავლეთ ევროპის უნივერსიტეტს სამხრეთ უელსის უნივერსიტეტის (დიდი ბრიტანეთი) პროფესორი ფარანგ სინგალი (MD, MPhil, FRCP, FACP) ეწვია.
ვიზიტის ფარგლებში პროფესორი სინგალი ჯანდაცვის მეცნიერებათა ფაკულტეტის ადმინისტრაციასა და სტუდენტებს შეხვდა. მსმენელებმა მიიღეს დეტალური ინფორმაცია BAPIO-ს (British Association of Physicians of Indian Origin) სასწავლო ცენტრში სწავლისა და დიდ ბრიტანეთში კარიერის გაგრძელების შესაძლებლობების შესახებ.
BAPIO-ს სასწავლო ცენტრი, რომლის აღმასრულებელი დირექტორი თავად პროფესორი სინგალი გახლავთ, სტუდენტებს სთავაზობს როგორც PLAB-ის გამოცდებისთვის მომზადების, ასევე შემდგომი დასაქმების შესაძლებლობას დიდ ბრიტანეთში F1 და F2 საფეხურებზე.
განხილულმა საკითხმა სტუდენტების განსაკუთრებული ინტერესი გამოიწვია და შეხვედრა აქტიური დისკუსიისა და კითხვა-პასუხის რეჟიმით წარიმართა.
