1-ელ დეკემბერს, 16:00 საათზე, ვარლამ ჩერქეზიშვილის სახელობის ინტერდისციპლინური კვლევების ცენტრის (EEU) ინიციატივით, აღმოსავლეთ ევროპის უნივერსიტეტის სტუდენტებისა და თანამშრომლებისთვის გრძელდება ინტერკულტურული შეხვედრების სერია, რომლის ფარგლებში გაიმართება შოთა რუსთაველის პოემა „ვეფხისტყაოსნის“ ინგლისურენოვანი თარგმანის პრეზენტაცია.
პრეზენტაციის მიზანს წარმოადგენს აღმოსავლეთ ევროპის უნივერსიტეტის საერთაშორისო სტუდენტებში ქართული კულტურის პოპულარიზაცია და მათთვის პოემა „ვეფხისტყაოსნის“ გაცნობა. უცხოელი და ქართველი სტუდენტების დაახლოებისა და ინტერკულტურული დიალოგის ხელშეწყობისთვის აღნიშნული შეხვედრა რიგით მესამეა
პრეზენტაციის ფარგლებში მოეწყობა EEU-ს ბიბლიოთეკაში დაცული პოემის ინგლისურენოვანი თარგმანის საჯარო კითხვა.
სპიკერი: გიორგი თავაძე – ფილოსოფიის დოქტორი, EEU-ს პროფესორი, ვარლამ ჩერქეზიშვილის სახ. ინტერდისციპლინური კვლევების ცენტრის ხელმძღვანელი (EEU).
სამიზნე ჯგუფი: აღმოსავლეთ ევროპის უნივერსიტეტის თანამშრომლები და სტუდენტები
სამუშაო ენა: ინგლისური
განხორციელების განრიგი: 01.12.2022, 16:00 საათზე
ფორმატი და ლოკაცია: პირისპირ, აღმოსავლეთ ევროპის უნივერსიტეტი, საკონფერენციო დარბაზი – 401