2023 წლის 23 მაისს აღმოსავლეთ ევროპის უნივერსიტეტის საბაკალავრო და სამაგისტრო საფეხურის სტუდენტები ცენტრალურ იუსტიციის სახლს ეწვივნენ. ვიზიტი მიზნად ისახავდა სტუდენტებისთვის იუსტიციის სახლის სამუშაო სპეციფიკის და სახელმწიფო სერვისების მიწოდების პროცესის გაცნობას.
აღმოსავლეთ ევროპის უნივერსიტეტის სტუდენტებისთვის მოეწყო საინფორმაციო ტური, სადაც უშუალოდ გაეცნენ სამუშაო პროცესს და იმ თანამედროვე ტექნოლოგიებს, რომლებსაც იუსტიციის სახლი მომხმარებლებისთვის სერვისის სწრაფად და ხარისხიანად მიწოდებისთვის იყენებს.
საინფორმაციო ტურის დასასრულს, გაიმართა შეხვედრა იუსტიციის სახლის თავმჯდომარე ლაშა ლობჟანიძესთან, რომელმაც სტუდენტებს საკუთარი გამოცდილება გაუზიარა და დასმულ კითხვებს უპასუხა.