დიპლომირებული მედიკოსის (ინგლისურენოვანი) ერთსაფეხურიანი საგანმანათლებლო პროგრამის პოპულარიზაციისა და ურთიერთთანამშრომლობის გაღრმავების მიზნით, აღმოსავლეთ ევროპის უნივერსიტეტის ჯანდაცვის მეცნიერებათა ფაკულტეტის დეკანის მოადგილე ელენე ზურაბიშვილი და საგანმანათლებლო პროგრამების კოორდინატორი გიორგი თათანაშვილი ინდოეთში, დასავლეთ ბენგალის შტატში იმყოფებოდნენ.
ვიზიტის ფარგლებში მოეწყო ინფორმაციული სემინარები და შეხვედრები აბიტურიენტებთან, მათ მშობლებთან, ტელევიზიებთან, ზოგად და უმაღლეს საგანმანათლებლო დაწესებულებების წარმომადგენლებთან. აღნიშნული შეხვედრების ფარგლებში, ჯანდაცვის მეცნიერებათა ფაკულტეტის დელეგაციამ დაინტერესებულ პირებს გააცნო აღმოსავლეთ ევროპის უნივერსიტეტის საგანმანათლებლო, ინფრასტრუქტურული და კვლევითი რესურსები, დიპლომირებული მედიკოსის პროგრამის სპეციფიკა, საუნივერსიტეტო ჰოსპიტალისა და კლინიკური და პრაქტიკული უნარ-ჩვევების განვითარების ცენტრის რესურსები.