10 ივნისს, 16:00 საათზე, აღმოსავლეთ ევროპის უნივერსიტეტის ვარლამ ჩერქეზიშვილის სახელობის ინტერდისციპლინური კვლევების ცენტრის ორგანიზებით გაიმართება ვებინარი კანტის სამართლის ფილოსოფიის შესახებ.
ვებინარის მიზანს წარმოადგენს ყველა დაინტერესებული პირისთვის იმანუელ კანტის სამართლის ფილოსოფიის საკვანძო პრობლემების განხილვა.
ვებინარი ხორციელდება ინტერდისციპლინური კვლევების ცენტრის სამეცნიერო-კვლევითი პროექტის – „პოლიტიკისა და სამართლის ფილოსოფია: ორმხრივი დიალოგი“ – ფარგლებში. პროექტის მიზანია ისეთი კომუნიკაციური ველის შექმნა, რომლის ფარგლებშიც სამართალმცოდნეები და ფილოსოფოსები ინტერდისციპლინური დიალოგის წარმართვას შეძლებენ და თავიანთ იდეებსა და მოსაზრებებს ერთმანეთს გაუზიარებენ.
ვებინარის ხელმძღვანელი: გიორგი თავაძე – ვარლამ ჩერქეზიშვილის სახ. ინტერდისციპლინური კვლევების ცენტრი.
ასისტენტი: ლაშა ლურსმანაშვილი – ვარლამ ჩერქეზიშვილის სახ. ინტერდისციპლინური კვლევების ცენტრის მკვლევარი: სამართლებრივი სახელმწიფოს ფორმალური კრიტერიუმები
ვებინარის სამუშაო ენა: ქართული
ვებინარის განხორციელების განრიგი: 10.06.2021, 16:00 საათი.
ვებინარის ხანგრძლივობა: 2 საათი.
ფორმატი: ვებინარი ჩატარდება დისტანციურად Google Meet პლატფორმის საშუალებით.
შეხვედრის ბმული: https://meet.google.com/coc-eouq-ybz
გთხოვთ, შეხვედრას შემოუერთდეთ დაწყებამდე დაახლოებით ხუთი წუთით ადრე.