2026 წლის 13 ივნისს, აღმოსავლეთ ევროპის უნივერსიტეტის ბიზნესისა და ინჟინერიის ფაკულტეტის ორგანიზებით, არქიტექტურის მიმართულების სტუდენტებისთვის შიდა საუნივერსიტეტო კონკურსი – ვორქშოპი-კლაუზურა გაიმართა.
ღონისძიების თემა იყო — „საქართველოში ქრისტიანობის სახელმწიფო რელიგიად გამოცხადებიდან 1700 წელი“.
ვორქშოპი-კლაუზურის მიზანი იყო სტუდენტების შემოქმედებითი და პროფესიული უნარების განვითარება, არქიტექტურული აზროვნების წახალისება და ისტორიულ-კულტურული თემატიკის თანამედროვე არქიტექტურულ კონტექსტში გააზრება.
ვორქშოპის ფარგლებში სტუდენტებმა თემატური არქიტექტურული ნამუშევრები შექმნეს და პროფესიული ჟიურის წინაშე წარადგინეს. კონკურსის შედეგად გამოვლინდა გრან-პრის, პირველი, მეორე და მესამე ადგილების მფლობელები, რომლებსაც წამახალისებელი პრიზები გადაეცათ.
ღონისძიებას ესწრებოდნენ ბიზნესისა და ინჟინერიის ფაკულტეტის ადმინისტრაციის წარმომადგენლები, პროგრამების ხელმძღვანელები, აკადემიური პერსონალი და სტუდენტები.
