2024 წლის 03 აპრილს, აღმოსავლეთ ევროპის უნივერსიტეტს ERASMUS+ -ის აკადემიური პერსონალის გაცვლითი პროგრამის ფარგლებში ბუქარესტის უნივერსიტეტის პროფესორი, მონიკა რომანი ეწვია. მისი კვლევითი ინტერესები დაკავშირებულია საერთაშორისო მიგრაციის ეკონომიკასთან, შრომით და დემოგრაფიულ ეკონომიკასთან, რეგიონალურ კვლევებთან, გარდამავალ ეკონომიკასთან და საჯარო პოლიტიკის შეფასებასთან.
ვიზიტის ფარგლებში პროფესორი შეხვდა აღმოსავლეთ ევროპის უნივერსიტეტის ვიცე-რექტორს საერთაშორისო და ადმინისტრაციულ საკითხებში, თეა იმედაძეს, ბიზნესისა და ინჟინერიის ფაკულტეტს და EEU “მიგრაციის და დიასპორის კვლევითი ცენტრის” ხელმძღვანელს, ლელა გოგინავას.
ვორქშოპი გახსნა ბიზნესისა და ინჟინერიის ფაკულტეტის დეკანის მოადგილემ, თამთა ლეკიშვილმა, რომელმაც მადლობა გადაუხადა სპიკერებსა და დამსწრე საზოგადოებას აღნიშნულ ღონისძიებაში მონაწილეობისთვის.
შეხვედრის მეორე ნაწილი დაეთმო დისკუსიას, სადაც სპიკერებმა, მონიკა რომანმა და ლელა გოგინავამ, მიგრაციის კვლევის საკითხებთან დაკავშირებით საინტერესო დისკუსიები გამართეს ბიზნესისა და ინჟინერიის ფაკულტეტის სტუდენტებთან.
ვორქშოპის ფარგლებში სპიკერებმა ისაუბრეს რუმინეთის მიგრაციასთან დაკავშირებული უახლესი მახასიათებლებისა და მიგრაციის კვლევაში გამოყენებული ინტეგრირებული მიდგომების შესახებ. შეხვედრის მიმდინარეობისას ყურადღება გამახვილდა ორი განსხვავებული კვლევის მეთოდოლოგიური მიდგომის შესახებ, რომელიც დაფინანსებულია HORIZON 2020 პროგრამის ფარგლებში, სადაც პარტნიორი იყო ბუქარესტის ეკონომიკური კვლევების უნივერსიტეტი. სპიკერებმა ასევე ისაუბრეს მიგრაციის მართვასა და კვლევასთან დაკავშირებულ საკითხებზე საქართველოს კონტექსტში.
შეხვედრის მიზანი იყო სტუდენტთა ინფორმირება და ცნობიერების ამაღლება მიგრაციის ეკონომიკურ ასპექტებთან და მიგრაციის კვლევის საკითხებთან დაკავშირებით.
ვორქშოპი დასრულდა შემაჯამებელი დისკუსიით, სადაც სპიკერებმა დეტალურად უპასუხეს აუდიტორიის მიერ დასმულ შეკითხვებს.