აღმოსავლეთ ევროპის უნივერსიტეტის (EEU) ბიზნესისა და ინჟინერიის ფაკულტეტის ინიციატივითა და უწყვეტი განათლების ცენტრის (LLC) ორგანიზებით მიმდინარე წლის 21 დეკემბერს გაიმართა ვორკშოპი: ,,თანამედროვე ტექნოლოგიების როლი არქიტექტურაში’’.
ვორკშოპს უძღვებოდა Crafty/ქრაფთის უფროსი დიზაინერი, EEU-ს მოწვეული ლექტორი ანა გეგეშიძე. ვორკშოპი გახსნა აღმოსავლეთ ევროპის უნივერსიტეტის რექტორმა, პროფესორმა კახაბერ ლაზარაშვილმა. ღონისძიებას ასევე დაესწრნენ ბიზნესისა და ინჟინერიის ფაკულტეტის დეკანი, პროფესორი ვასილ კიკუტაძე, არქიტექტურის საბაკალავრო პროგრამის ხელმძღვანელები: პროფესორი მერაბ ბოლქვაძე და ასოც. პროფესორი ბელა თინიკაშვილი, EEU-ს მოწვეული ლექტორი – არქიტექტორი ბესარიონ ტატიშვილი;
ღონისძიების ფარგლებში სტუდენტები გაეცნენ:
- შენობის ინფორმაციის მოდელირებას ( BIM);
- ვირტუალურ რეალობას (VR);
- 3D ბეჭდვასა და რობოტიკას;
- ჭკვიან მასალებს;
- მწვანე შენობის ტექნოლოგიებს.
ვორკშოპის ბოლოს გაიმართა შემაჯამებელი დისკუსია და მსმენელებისთვის საინტერესო კითხვებს ანა გეგეშიძემ დეტალურად უპასუხა. ინტერაქციაში მონაწილეობა მოწვეულმა სტუმრებმაც მიიღეს. საკითხის შესახებ სტუდენტებს თავიანთი გამოცდილება მერაბ ბოლქვაძემ, ბელა თინიკაშვილმა და ბესარიონ ტატიშვილმა გაუზიარეს.
ვორკშოპის ყველა მონაწილეს გადაეცა სერტიფიკატები.
