აღმოსავლეთ ევროპის უნივერსიტეტის (EEU) სტუდენტებმა, განათლების დეპარტამენტისა და სტუდენტური თვითმმართველობის მხარდაჭერით, მონაწილეობა მიიღეს მასშტაბურ სტუდენტურ ღონისძიებაში — „ახალგაზრდული ფესტივალი 2025“.
ფესტივალში მონაწილეობა მიიღეს აღმოსავლეთ ევროპის უნივერსიტეტის სხვადასხვა ფაკულტეტის სტუდენტებისგან დაკომპლექტებულმა სპორტულმა გუნდებმა, რომლებიც ჩაერთნენ სპორტული და საგანმანათლებლო მიმართულების აქტივობებში.
EEU-ს სტუდენტებმა წარმატებით იასპარეზეს და საპრიზო ადგილები მოიპოვეს “ახალგაზრდულ ფესტივალ 2025”-ში:
- ჯომარდობა – მეორე საპრიზო ადგილი
- კალათბურთი 3X3 – საპრიზო მესამე ადგილი
მათ მონაწილეობა ასევე მიიღეს შემდეგ საფესტივალო შეჯიბრებებშიც:
- ჩოგბურთი
- სასტენდო სროლა
- ფეინთბოლი
- კარტინგი
- მკლავჭიდი
- პადელი
- ბოულინგი
- შაში
- კლდეზე ცოცვა
- ბადმინტონი
- ნარდი
- ჭადრაკი
„ახალგაზრდული ფესტივალი 2025“ ჩატარდა საქართველოს განათლების, მეცნიერების და ახალგაზრდობის სამინისტროს ინიციატივით, სსიპ ახალგაზრდობის სააგენტოს, ქალაქ თბილისის მუნიციპალიტეტის მერიისა და საქართველოს სტუდენტური ორგანიზაციების ასოციაციის ორგანიზებით. ღონისძიება 2025 წლის გაზაფხული-ზაფხულის პერიოდში გაიმართა.
ფესტივალის ფარგლებში მთელი საქართველოს მასშტაბით ჩატარდა უნივერსიტეტებს შორის სპორტული ტურნირები, კულტურული და შემოქმედებითი ღონისძიებები, მოხალისეობრივი ინტერმედია აქტივობები და STEM კონკურსი, რომელმაც ახალგაზრდებს მისცა შესაძლებლობა, თავი გამოეცადათ მეცნიერების, ტექნოლოგიების, ინჟინერიისა და მათემატიკის სფეროებში.
აღსანიშნავია, რომ მსგავსი მასშტაბური ღონისძიებები ხელს უწყობს სტუდენტების პიროვნულ განვითარებას, უნივერსიტეტებს შორის თანამშრომლობის გაღრმავებას და სოციალური პასუხისმგებლობის პოპულარიზაციას.
