აღმოსავლეთ ევროპის უნივერსიტეტის ჯანდაცვის მეცნიერებათა ფაკულტეტი წარმოადგენს საგანანმანათლებლო სტრუქტურულ ერთეულს, რომელიც სწავლებას დიპლომირებული მედიკოსის (ინგლისურენოვან) ერთსაფეხურიან საგანმანათლებლო პროგრამაზე ახორციელებს. ჯანდაცვის მეცნიერებათა ფაკულტეტზე სწავლობენ საერთაშორისო სტუდენტები მსოფლიოს სხვადასხვა ქვეყნიდან (ინდოეთი, ისრაელი, არაბთა გაერთიანებული ემირატები, ყატარი და სხვა.,)
ფაკულტეტის მიზანია უზრუნველყოს უმაღლესი სამედიცინო განათლების თანამედროვე სტანდარტების შესაბამისი და სტუდენტზე ორიენტირებული განათლების მიღების შესაძლებლობა, მისცეს სტუდენტს ღრმა და სისტემური ცოდნა მედიცინის სფეროში და მოამზადოს შრომის ბაზარზე კონკურენტუნარიანი, კომპეტენტური ექიმები.
ჯანდაცვის მეცნიერებათა ფაკულტეტზე სტუდენტებისთვის ყველა სათანადო პირობაა შექმნილი სწავლისა და დამოუკიდებელი მუშაობისთვის, ფაკულტეტზე არსებული საგანმანათლებლო პროგრამით განსაზღვრული სწავლის შედეგების მისაღწევად ფაკულტეტი უზრუნველყოფილია შესაბამისი მატერიალურ-ტექნიკური რესურსით.
სასწავლო კურსებს უძღვებიან ფაკულტეტის მაღალკვალიფიციური აკადემიური და მოწვეული პერსონალი, რომელიც დაკომპლექტებულია სათანადო გამოცდილებისა და კომპეტენციების მქონე ქართველი და უცხოელი სპეციალისტებით დარგის წამყვანი კლინიცისტებით, საერთაშორისო რანგის მეცნიერებითა და მრავალწლიანი პრაქტიკული გამოცდილების მქონე პედაგოგებით (საქართველო, ბრიტანეთი, ისრაელი).
ჯანდაცვის მეცნიერებათა ფაკულტეტის ბაზაზე ფუნქციონირებს სამედიცინო განათლების თანამედროვე სტანდარტების შესაბამისი და უახლესი ტექნოლოგიებით აღჭურვილი კლინიკური და პრაქტიკული უნარ-ჩვევების განვითარების ცენტრი.
ფაკულტეტის სტუდენტებისთვის ასევე, შეზღუდვების გარეშე ხელმისაწვდომია უნივერსიტეტის ინფრასტრუქტურა და მატერიალურ-ტექნიკური რესურსი, კერძოდ:
- სათანადო ინვენტარით აღჭურვილი სასწავლო აუდიტორიები, აკადემიური და ადმინისტრაციული პერსონალის სამუშაო ოთახები;
- საკონფერენციო დარბაზი;
- კომპიუტერული ტექნიკითა და საინფორმაციო-საკომუნიკაციო ტექნოლოგიებით აღჭურვილი ბიბლიოთეკა, სადაც ხელმისაწვდომია პროგრამის სილაბუსებით გათვალისწინებული შესაბამისი ბეჭდური და ელექტრონული ლიტერატურა;
- კომპიუტერული რესურს–ცენტრები, ინტერნეტში და შიდა ქსელში ჩართული კომპიუტერული ტექნიკა და სწავლის/სწავლების პროცესის ადეკვატური კომპიუტერული პროგრამები და ა.შ.
ჯანდაცვის მეცნიერებათა ფაკულტეტის სტუდენტებისთვის პრაქტიკული უნარების გამომუშავების მიზნით უნივერსიტეტი თანამშრომლობს საქართველოში წამყვან კლინიკებთან.
აღსანიშნავია საერთაშორისო პარტნიორი ორგანიზაციები, მათ შორის მსოფლიო ჯანდაცვის ორგანიზაცია (WHO), სამედიცინო განათლების საერთაშორისო ასოციაცია (AMEE), სამედიცინო სკოლების ასოციაცია ევროპაში (AMSE), ინდოეთის სამედიცინო საბჭო (MCI).
ჯანდაცვის მეცნიერებათა ფაკულტეტი მუდმივად ზრუნავს სასწავლო პროცესისა განვითარებასა და სამეცნიერო-კვლევითი მხარდაჭერაზე, ფაკულტეტის სტუდენტებისა და აკადემიური პერსონალის საგანმანათლებლო და სამეცნიერო-კვლევით პროექტებში ჩართულობის ხელშეწყობაზე, კვლევის შედეგების ინტეგრირებაზე სასწავლო პროცესში, სტუდენტისა და აკადემიური პერსონალის პროფესიულ განვითარებაზე.