EEU-ში დადგენილი ხარისხის უზრუნველყოფის სტანდარტები ინტეგრირებულია უნივერსიტეტის შიდა მარეგულირებელ რეგულაციებში, რომელიც ერთიანდება შიდა მარგულირებელ ჩარჩოში და მოიცავს: დებულებებს; წესებს, ინსტრუქციებს, პოლიტიკის დოკუმენტებს, სამოქმედო გეგმებს, პროცედურებს, სახელმძღვანელოებს, გზამკვლევებს და თითოეული მათგანი წარმოადგენს ხარისხის სისტემის განუყოფელ ნაწილს.
EEU-ს ხარისხის უზრუნველყოფის სისტემა
დოკუმენტი წარმოადგენს აღმოსავლეთ ევროპის უნივერსიტეტში ხარისხის სისტემის დანერგვის და განვითარების ძირითად ინსტრუმენტს და შექმნილია იმისათვის, რომ EEU-მ დააკმაყოფილოს სტუდენტების, ასევე სხვა დაინტერესებული პირების მოთხოვნები და გაამართლოს მათი მოლოდინები. დოკუმენტი ეხება ინსტიტუციის საგანმანათლებლო საქმიანობის სისტემურ გაუმჯობესებას. იგი მოიცავს ეფექტური და ეფექტიანი მართვის სისტემის დაგეგმვის, განხორციელების, ანალიზის, შეფასებისა და გაუმჯობესების ძირითად პრინციპებსა და მექანიზმებს. მასში დეკლარირებულია ხარისხის უზრუნველყოფის სისტემის ძირითადი ასპექტები, პრინციპები და მექანიზმები, რომელთა ერთობლივი გამოყენებით უნივერსიტეტმა რთულ, მომთხოვნი და მუდმივად ცვალებად გარემოში, უნდა უზრუნველყოს მდგრადი წარმატების მიღწევა! დოკუმენტი შექმნილია უნივერსიტეტის ორგანიზაციული კულტურის, უნივერსიტეტში არსებული ხარისხის სისტემის იმპლემენტაციის შედეგების, საქართველოს მოქმედი კანონმდებლობის, ეროვნული და საერთაშორისო საუკეთესო პრაქტიკის გაანალიზების საფუძველზე. დოკუმენტი მოიცავს შემდეგ მნიშვნელოვან საკითხებს: ხარისხის კულტურა EEU- ში; ხარისხის უზრუნველყოფის სისტემის მიზანი და ძირითადი ასპექტები; ხარისხის უზრუნველყოფის პრინციპები; ხარისხის უზრუნველყოფის მექანიზმები და მათი იმპელემენტაცია.
დოკუმენტის სრული ვერსია იხ აქ
EEU-ს მართვის ეფექტიანობის მონიტორინგის მექანიზმები და შეფასების სისტემა
დოკუმენტი ეხება ინსტიტუციის მართვის ეფექტიანობის შეფასებასა და მონიტორინგს. იგი მოიცავს ეფექტური და ეფექტიანი მართვის სისტემის დაგეგმვის, განხორციელების, ანალიზის, შეფასებისა და გაუმჯობესების ძირითად პრინციპებს, მექანიზმებს, ინსტრუმენტებსა და პროცედურებს. დოკუმენტში დეკლარირებული მართვის ეფექტიანობის მონიტორინგის მექანიზმების და პროცედურების ერთობლივი გამოყენებით უნივერისტეტმა უნდა უზრუნველყოს ინსტიტუციის მართვის ეფექტიანობის გაზომვა, შეფასება და გაუმჯობესება, რომელიც ემსახურება უნივერისტეტის მისიის და მთავარი სტრატეგიული კურსის- მდგრადი წარმატების მიღწევას. ეს დოკუმენტი შექმნილია ეროვნული და საერთაშორისო საუკეთესო პრაქტიკის, ინსტიტუციაში დანერგილი მართვის მექანიზმების იმპლემენტაციის შედეგების შეფასების გაანალიზების საფუძველზე. დოკუმენტი მოიცავს შემდეგ მნიშვნელოვან საკითხებს: მართვის ეფექტიანობის მონიტორინგის ძირითადი ასპექტები და მექანიზმები ; სტრატეგიული განვითარების გეგმისა და სამოქმედო გეგმის შესრულების მონიტორინგი და შეფასება; ხარისხის უზრუნველყოფის მექანიზმების ეფექტიანობის შეფასება; ფინანსური და ეკონომიკური მაჩვენებლების შეფასება; სტრუქტურული ერთეულების მიერ საკუთარი ამოცანებისა და პერსონალის მიერ სამუშაოს შესრულების მენეჯმენტის შეფასება; სტუდენტებისა და პერსონალის კმაყოფილების შეფასება; მართვის ეფექტიანობის შეფასების ინსტრუმენტები, პროცესი და შედეგების გამოყენება.
დოკუმენტის სრული ვერსია იხ აქ
საგანმანათლებლო პროგრამების დაგეგმვის, შემუშავების, მასში ცვლილებების შეტანისა და გაუქმების წესი
დოკუმენტი არეგულირებს საგანმანათლებლო პროგრამების დაგეგმვის, შემუშავების, დამტკიცების, მასში ცვლილებების შეტანისა და გაუქმების წესსა და პროცედურებს. დოკუმენტი სავალდებულოა შესასრულებლად უნივერსიტეტის საგანმანათლებლო პროგრამის დაგეგმვის, შემუშავების, დამტკიცების, მასში ცვლილებების შეტანისა და გაუქმების პროცესში მონაწილე ყველა პირისათვის. იგი მოიცავს: საგანმანათლებლო პროგრამის განმარტებას;საგანმანათლებლო პროგრამების დაგეგმვისა და შემუშავების პროცედურას; საგანმანათლებლო პროგრამის შემუშავებაში ჩართული დაინტერესებული მხარეებიის განსაზღვრას; საგანმანათლებლო პროგრამის შემუშვებისას გასათვალისწინებელი კონკრეტულ გარემოებებს. აკადემიური პროგრამების განვითარების კომიტეტისა და პროგრამის ხელმძღვანელის ფუნქციების შესახებ ინფორმაციას; საგანმანათლებლო პროგრამაში ცვლილების შეტანის პროცედურას; საგანმანათლებლო პროგრამის გაუქმების საფუძვლებსა და პროცედურას; საგანმანათლებლო პროგრამის შეცვლის ან გაუქმების შემთხვევაში სტუდენტთა შემდგომი განათლებით უზრუნველყოფის მექანიზმებს.
დოკუმენტის სრული ვერსია იხ აქ
საგანმანათლებლო პროგრამების განხორციელების შეფასების წესი
დოკუმენტი განსაზღვრავს უნივერსიტეტში მოქმედი საგანმანათლებლო პროგრამების განხორციელების შეფასების შიდა და გარე მექანიზმებს. დოკუმენტით დადგენილია საგანმანათლებლო პროგრამის ყოველწლიური შიდა თვითშეფასების ანგარიშის ფორმა, ანგარიში წარმოადგენს შიდა ხარისხის განვითარების ინსტრუმენტს, რომელიც ემსახურება უნივერსიტეტში განხორციელებული პროგრამების შეფასების შედეგად ძლიერი და სუსტი მხარეების გამოვლენას და მიღებული მონაცემების საფუძველზე მიზნობრივი ღონისძიებების დაგეგმვას პროგრამის განვითარებისა და გაუმჯობესებისათვის.
დოკუმენტის სრული ვერსია იხ აქ
საგანმანათლებლო პროგრამების სწავლის შედეგების შეფასების გზამკვლევი
დოკუმენტი აღწერს კურუკულუმის რუკის შედგენის მეთოდებსა და შესაბამის მაგალითებს, გასანზღვრავს პროგრამის მიზნებისა და სწავლის შედეგების შესაბამისობის რუკის შედგენის პრინციპებსა და ფორმებს, ასევე სწავლის შედეგების შეფასების გეგმის შედგენის მაგალითებს. გაზამკვლევში განსაზღვრულია პროგრამის სწავლის შედეგების შეფასების პროცედურები და მასში ჩართული პირები. მოცემულია ინფორმაცია შეფასების უკუკავშირის პროცედურის შესახებ.
დოკუმენტის სრული ვერსია იხ აქ
სტუდენტთა კონტინგენტის ოდენობის განსაზღვრის და საგანმანათლებლო პროგრამის განმახორციელებელი პერსონალის დაგეგმვის მეთოდოლოგია
დოკუმენტი განსაზღვრავს უნივერსიტეტში სტუდენტთა ოპტიმალური რაოდენობის დაგეგმვასთან და მონიტორინგთან დაკავშირებულ პოლიტიკასა და პროცედურას, სტუდენტთა კონტინგენტის განსაზღვრის მეთოდოლოგიას და სამიზნე ნიშნულებს. ასევე, საგანმანათლებლო პროგრამების განხორციელებისთვის საჭირო აკადემიური და მოწვეული პერსონალის რაოდენობის განსაზღვრის მეთოდოლოგიას. დოკუმენტი გამოიყენება უნივერსიტეტში ყოველწლიურად მისაღები კონტინგენტის განსაზღვრისას, უნივერსიტეტის ყოველწლიური შეფასებისას, სტუდენტთა გარე მობილობის, ახალი საგანმანათლებლო პროგრამის შექმნისა ანდა არსებულის განახლების, აგრეთვე ავტორიზაციის პროცესის ფარგლებში მატერიალური და ადამიანური რესურსების გათვალისწინებით სტუდენტთა ოპტიმალური კონტინგენტის გამოანგარიშებისათვის და საჭირო პროგრამის განამხოციელებელი პერსონალის დასადგენად.
დოკუმენტის სრული ვერსია იხ აქ
აკადემიური და მოწვეული პერსონალის სამეცნიერო და აკადემიური საქმიანობის შეფასების წესი
დოკუმენტი არეგულირებს აღმოსავლეთ ევროპის უნივერსიტეტის აკადემიური პერსონალის სამეცნიერო და აკადემიური საქმიანობის, ასევე, მოწვეული პერსონალის აკადემიური საქმიანობის შეფასების კრიტერიუმებსა და პროცედურებს. დოკუმენტი მოიცავს: აკადემიური და მოწვეული პერსონალის შეფასების მიზანს; აკადემიური პერსონალის სამეცნიერო კვლევითი საქმიანობის შეფასებას; აკადემიური და მოწვეული პერსონალის აკადემიური (სასწავლო) საქმიანობის შეფასებას და შედეგებზე რეაგირების მექანიზმებს; აკადემიური პერსონალის წლიური და სემესტრული შეფასების ფორმას.
დოკუმენტის სრული ვერსია იხ აქ