აღმოსავლეთ ევროპის უნივერსიტეტს (EEU) მიმდინარე წლის 11 ოქტომბერს California Baptist University-ის (CBU) ვიცე-პრეზიდენტი, დოქტორი ლარრი ლინამენი ეწვია. მას უნივერსიტეტის ვიცე-რექტორებმა შალვა მაჭავარიანმა და თეა იმედაძემ უმასპინძლეს.
ვიზიტის ფარგლებში მხარეებმა განიხილეს უნივერსიტეტებს შორის ურთიერთთანამშრომლობის პერსპექტივები, როგორიც აკადემიური, ასევე სამეცნიერო მიმართულებით. გამოითქვა მზაობა სტუდენტებისა და პერსონალის გაცვლის, სამეცნიერო-კვლევითი პროექტების განხორციელებისა და ერთობლივი საგანმანათლებლო პროგრამების განვითარების შესახებ. გარდა ამისა, მხარეები შეთანხმდნენ თანამშრომლობის ოფიციალურად გაფორმებაზე და დასახეს სამომავლო გეგმები.
CBU 1950 წელს დაარსდა რივერსაიდში, კალიფორნიაში და დღესდღეობით 150-მდე საბაკალავრო, 45-ზე მეტ სამაგისტრო და 7 სადოქტორო პროგრამას ახორციელებს ბიზნესის, ინჟინერიის, არქიტექტურის, განათლების, ფსიქოლოგიის, სოციალური, ჯანდაცვისა და სხვა მიმართულებებით. უნივერსიტეტში სწავლობს 12 000-მდე სტუდენტი მსოფლიოს სხვადასხვა ქვეყნიდან. CBU 2020 წლის რეიტინგებში ამერიკის უნივერსიტეტებს შორის მე-5 ადგილს იკავებს კატეგორიაში „საუკეთესო უნივერსიტეტის კამპუსი“ (niche.com).
აღმოსავლეთ ევროპის უნივერსიტეტსა და California Baptist University შორის თანამშრომლობა EEU-ს სტუდენტებსა და აკადემიურ პერსონალს ამერიკის შეერთებულ შტატებში სწავლის, კვლევისა და სხვადასხვა საინტერესო პროექტებში მონაწილეობის მნიშვნელოვან შესაძლებლობებს აძლევს.
დამატებითი ინფორმაცია CBU შესახებ შეგიძლიათ იხილოთ ბმულზე: https://calbaptist.edu/
