EEU-ს პარტნიორი ლოძის უნივერსიტეტი (პოლონეთი) აცხადებს რეგისტრაციას 2022 სასწავლო წლის გაზაფხულის სემესტრის გაცვლით პროგრამაზე (გაზაფხულის სემესტრი მოიცავს შემდეგ პერიოდს: 21.02.22-11.07.22). აღმოსავლეთ ევროპის უნივერსიტეტის სტუდენტებს შესაძლებლობა ეძლევათ ერთი სემესტრის განმავლობაში ისწავლონ ლოძის უნივერსიტეტში, მიიღონ ცოდნა და დაუვიწყარი გამოცდილება.
გაცვლითი პროგრამის შესარჩევ კონკურსში მონაწილეობა შეუძლია აღმოსავლეთ ევროპის უნივერსიტეტის საბაკალავრო და სამაგისტრო პროგრამის ნებისმიერ სტუდენტს, რომელიც ფლობს ინგლისურ ენას B2 დონეზე.
გაცვლითი პროგრამის ფარგლებში სტუდენტის მხრიდან გასაწევი ხარჯი შეადგენს მხოლოდ მგზავრობისა და ცხოვრების საფასურს (საერთო საცხოვრებლის ღირებულებაა თვეში 120-150 ევრო, საყოფაცხოვრებო ხარჯებისთვის სტუდენტმა უნდა გაითვალისწინოს ყოველთვიურად 250-300 ევრო).
შემოთავაზებული სასწავლო კურსებისა და პროგრამების ჩამონათვალი შეგიძლიათ იხილოთ ბმულზე: https://iso.uni.lodz.pl/erasmus/programmes/
გაცვლით პროგრამაში მონაწილეობის მსურველმა სტუდენტებმა, რეგისტრაციის მიზნით, უნდა გამოგზავნონ რეზიუმე (CV) და ინგლისური ენის ცოდნის დამადასტურებელი სერთიფიკატი (ასეთის არსებობის შემთხვევაში) ელექტრონული ფოსტის შემდეგ მისამართზე: international@eeu.edu.ge. უნივერსიტეტი უზრუნველყოფს ინგლისური ენის ტესტს მათთვის, ვინც არ ფლობს ენის ცოდნის დამადასტურებელ დოკუმენტს.
რეგისტრაციის ბოლო ვადაა მიმდინარე წლის 9 დეკემბერი.
ახალი კორონავირუსის გავრცელების აღკვეთის მიზნით, სასწავლო პროცესისათვის დაწესებული შეზღუდვებიდან გამომდინარე, სწავლება შესაძლოა ჩატარდეს ონლაინ რეჟიმში.
დამატებითი ინფორმაციისთვის მიმართეთ უნივერსიტეტის საერთაშორისო ურთიერთობების დეპარტამენტს.