გსურს Erasmus+ – ის დაფინანსებით გაემგზავრო ევროპაში, ისწავლო კვიპროსში, ნიქოზიის უნივერსიტეტში და მიიღო დაუვიწყარი გამოცდილება?
მაშინ ეს კონკურსი შენთვისაა! გახდი ერასმუსელი!
აღმოსავლეთ ევროპის უნივერსიტეტი აცხადებს 2022-2023 სასწავლო წლის გაზაფხულის სემესტრში ერასმუს+ სტიპენდიით ნიქოზიის უნივერსიტეტში გაცვლითი პროგრამის კონკურსს სტუდენტებისათვის.
გაცვლითი პროგრამა ცხადდება ევროკომისიის მიერ დაფინანსებული Erasmus+ პროგრამის საერთაშორისო კრედიტ მობილობის (International Credit Mobility –ICM) ფარგლებში, რომელიც ხორციელდება EEU და ნიქოზიის უნივერსიტეტს შორის გაფორმებული საპარტნიორო ხელშეკრულების საფუძველზე.
ნიქოზიის უნივერსიტეტი ერთ-ერთი საუკეთესო უნივერსიტეტია კვიპროსში, რომელიც 1980 წელს დაარსდა და მდებარეობს კვიპროსის დედაქალაქ ნიქოზიაში. უნივერსიტეტში ფუნქციონირებს 7 ფაკულტეტი, სტუდენტების რაოდენობა კი 12 000-ს აჭარბებს.
აღმოსავლეთ ევროპის უნივერსიტეტის ბიზნესისა და ინჟინერიის ფაკულტეტის ბიზნესის ადმინისტრირებისა და განათლების მეცნიერებათა მიმართულებების სტუდენტებს გეძლევათ უნიკალური შესაძლებლობა სრული დაფინანსებით გაცლითი ერთი სემესტრი გაატაროთ კვიპროსში, ეზიაროთ საერთაშორისო გამოცდილებას, მიიღოთ ცოდნა და დაუვიწყარი გამოცდილება!
Erasmus+ სტიპენდია სრულად ფარავს როგორც სწავლის, ისე მგზავრობის ხარჯებს! პროგრამის ფარგლებში უზრუნველყოფილია სტიპენდიების მიღება! სტიპენდიის სახით სტუდენტებისთვის განსაზღვრულია 4 250 ევრო (ყოველთვიური 850 ევრო 5 თვის განმავლობაში) და მგზავრობის ხარჯი ანაზღაურდება 275 ევროს ოდენობით.
სტიპენდიანტთა შერჩევა განხორციელდება ღია კონკურსის წესით.
საკონკურსო დოკუმენტაციის წარმოდგენის ვადები: 13/10/2022 – 20/10/2022