EEU აცხადებს 2022-2023 წლის სამეცნიერო გრანტების კონკურსს!

• კონკურსისთვის უნივერსიტეტის სამეცნიერო ფონდიდან გამოყოფილია – 40 000 ლარი.
• დაფინანსების მოსაპოვებლად განაცხადის წარდგენა შეუძლია მხოლოდ აღმოსავლეთ ევროპის უნივერსიტეტის აკადემიურ პერსონალს (უფლებამოსილი სუბიექტების შესახებ ინფორმაცია იხილეთ „2022-2023 სასწავლო წლის სამეცნიერო გრანტების კონკურსის პირობებში“).
• თითოეულ კვლევით პროექტზე მოთხოვნილი თანხა არ უნდა აღემატებოდეს 10 000 ლარს (საქართველოს კანონმდებლობით გათვალისწინებული გადასახადების ჩათვლით).
• პროექტის ხანგრძლივობა – 12 თვე;
• დეტალური ინფორმაცია 2022-23 სასწავლო წლის სამეცნიერო გრანტების კონკურსის პირობების შესახებ იხ. ბმულზე.

კონკურსში მონაწილეობის მისაღებად საპროექტო განაცხადების რეგისტრაცია განხორციელდება 2022 წლის 28 ოქტომბრიდან – 2023 წლის 20 იანვრის ჩათვლით 00:00 საათამდე ელექტრონული ფოსტის მისამართზე: sciencepapers@eeu.edu.ge.

• კონკურსის პირობების დაცვით წარმოდგენილი პროექტების შეფასება დამოუკიდებელი ექსპერტის/ექსპერტთა ჯგუფ(ებ)ის მიერ;
• დამოუკიდებელი ექსპერტებისაგან ან/და დამოუკიდებელ ექსპერტთა ჯგუფ(ებ)ისგან მიღებული შეფასებების საფუძველზე პროექტების სიების შედგენა და დასაფინანსებლად შერჩეული პროექტების გამოვლენა – 2023 წლის 10 მარტი;
• დასაფინანსებლად შერჩეული პროექტების საბოლოო სიის დამტკიცება აღმოსავლეთ ევროპის უნივერსიტეტის რექტორის მიერ და კონკურსის შედეგების გამოქვეყნება – 2023 წლის 15 მარტი;
• საგრანტო ხელშეკრულებების გაფორმება – 2023 წლის 10 აპრილის ჩათვლით.

1. საპროექტო განაცხადი ქართულ ენაზე (დანართი 1);
2. საპროექტო განაცხადის წინადადება ქართულ ენაზე (დანართი 2);
3. პროექტის ბიუჯეტი და ბიუჯეტის დასაბუთება (დანართი 3);
4. პროექტის განხორციელების გეგმა-გრაფიკი (დანართი 4);
5. პროექტში კვლევის ეთიკის საკითხების გათვალისწინება და უზრუნველყოფა (დანართი 5);
   დეტალური ინფორმაციისთვის იხილეთ კვლევის ეთიკის სტანდარტი.
6. უცხოელი კონსულტანტის (ასეთის არსებობის შემთხვევაში) თანხმობის წერილი პროექტში მონაწილეობის შესახებ;
7. პროექტის ხელმძღვანელის პირადობის დამადასტურებელი მოწმობა;
8. პროექტში ძირითადი პერსონალის სტატუსით ჩართული ფიზიკური პირების აკადემიური ხარისხის დამადასტურებელი დოკუმენტები (დიპლომი, დოქტორანტის/ მაგისტრანტის, ბაკალავრის სტუდენტის შემთხვევაში ცნობა სწავლის შესახებ აღმოსავლეთ ევროპის უნივერსიტეტიდან);
9. კვლევით პროექტში ჩართულ პირთა (ხელმძღვანელის, მკვლევარების) პროფესიული რეზიუმეები.

კონკურსში წარმოდგენილი საგრანტო პროექტები შეფასდება ორი ძირითადი კრიტერიუმით:  კვლევითი პროექტის სამეცნიერო ღირებულება და პროექტის განხორციელება.

დეტალური ინფორმაცია შეფასების კრიტერიუმების შესახებ იხ. ბმულზე.

საკონსულტაციო შეხვედრა ფაკულტეტების შესაბამისად გაიმართება 2022 წლის 1 დეკემბერიდან და 2022 წლის 15 დეკემბრამდე.

საგრანტო პროექტთან დაკავშირებით შეკითხვების გამოგზავნა შესაძლებელია 2023 წლის 10 იანვრის ჩათვლით შემდეგ ელ-ფოსტის მისამართზე sciencepapers@eeu.edu.ge.