2023 წლის 22 აპრილს აღმოსავლეთ ევროპის უნივერსიტეტში (EEU) სკოლის მოსწავლეებისთვის გაიმართა EEU-ს პროფესორის, ,,მრავალფუნქციური ლაბორატორია -ჭკვიანი აუდიტორია” ცენტრის ხელმძღვანელის, თემურ მაისურაძის საჯარო ლექცია: ,,კრეატიული უპირატესობა თანამედროვე ბიზნესში”.
საჯარო ლექციაზე განხილული იყო ცოდნის პრაქტიკაში ტრანსფორმირების შესაძლებლობები: ორგანიზაციული, დარგობრივი და პიროვნული უპირატესობის მოპოვებისა და მართვის ხელოვნება. თემურ მაისურაძემ ისაუბრა თანამედროვე ეპოქაში ცოდნის გაგების შესახებ.
საჯარო ლექციის ბოლოს გაიმართა საინტერესო დისკუსია აუდიტორიის დიდი ინტერაქციით.
ღონისძიების მეორე ეტაპზე სკოლის მოსწავლეებმა მიიღეს დეტალური ინფორმაცია აღმოსავლეთ ევროპის უნივერსიტეტის საერთაშორისო თანამშრომლობისა და გაცვლითი პროგრამების, საუნივერსიტეტო სტიპენდიებისა და სწავლის დაფინანსების მრავალფეროვანი პირობების, სტუდენტური მხარდამჭერი სერვისებისა და უპირატესობების თაობაზე. ღონისძიების დასასრულს მოსწავლეებმა დაათვალიერეს აღმოსავლეთ ევროპის უნივერსიტეტის თანამედროვე ინფრასტრუქტურით აღჭურვილი ახალი კამპუსი.
EEU-ში გრძელდება მე-10, მე-11 და მე-12 კლასების სკოლის მოსწავლეებისთვის საინტერესო, ინტელექტუალურ-შემეცნებითი და გასართობი აქტივობების ციკლი.
განრიგი იხილეთ ბმულზე: https://eeu.edu.ge/portfolio/eeuabituri/
არ გამოტოვოთ ღია კარის დღეები EEU-ში, თუ ჯერ არ დარეგისტრირებულხართ, შეავსეთ სარეგისტრაციო ფორმა: https://forms.gle/ARPYJR3jGfvVdL3n8
