2023 წლის 29 აპრილს აღმოსავლეთ ევროპის უნივერსიტეტში სკოლის მოსწავლეებისთვის გაიმართა EEU-ს ასოცირებული პროფესორის, საერთაშორისო ურთიერთობების პროგრამის ხელმძღვანელის, გიზო ჭელიძის საჯარო ლექცია: ,,საერთაშორისო ურთიერთობები და დიპლომატია”
საჯარო ლექციაზე განხილული იყო საერთაშორისო ურთიერთობების თანამედროვე აქტუალური საკითხები და გამოწვევები. გიზო ჭელიძემ ისაუბრა დიპლომატიაზე, როგორც კონფლიქტის თავიდან აცილებისა და მოგვარების საშუალებაზე.
საჯარო ლექცია მოიცავდა პრაქტიკული მაგალითების, ქეისების განხილვასა და ინტერაქტიულ აქტივობებს. ღონისძიება მოსწავლეების აქტიური ჩართულობით წარიმართა.
ღია კარის დღის მეორე ეტაპზე სკოლის მოსწავლეებმა მიიღეს დეტალური ინფორმაცია აღმოსავლეთ ევროპის უნივერსიტეტის საერთაშორისო თანამშრომლობისა და გაცვლითი პროგრამების, საუნივერსიტეტო სტიპენდიებისა და სწავლის დაფინანსების მრავალფეროვანი პირობების, სტუდენტური მხარდამჭერი სერვისებისა და უპირატესობების თაობაზე. ღონისძიების დასასრულს მოსწავლეებმა დაათვალიერეს აღმოსავლეთ ევროპის უნივერსიტეტის თანამედროვე ინფრასტრუქტურით აღჭურვილი ახალი კამპუსი.
EEU-ში გრძელდება სკოლის მოსწავლეებისთვის საინტერესო, ინტელექტუალურ-შემეცნებითი და გასართობი აქტივობების ციკლი.
განრიგი იხილეთ ბმულზე: https://eeu.edu.ge/portfolio/eeuabituri/
არ გამოტოვოთ ღია კარის დღეები EEU-ში, თუ ჯერ არ დარეგისტრირებულხართ, შეავსეთ სარეგისტრაციო ფორმა: https://forms.gle/ARPYJR3jGfvVdL3n8
