HR-ის მულტიდისციპლინარული გამოწვევები ხელოვნური ინტელექტის ეპოქაში
საქართველოში 15 მაისი ადამიანური რესურსების დღეა!
აღმოსავლეთ ევროპის უნივერსიტეტი (EEU) HR პროფესიონალთა გილდიასთან (HRPG) ერთად 2024 წლის 15 მაისს მართავს ადამიანური რესურსების დღისადმი მიძღვნილ სტუდენტურ სამეცნიერო-პრაქტიკულ კონფერენციას: ,,HR-ის მულტიდისციპლინარული გამოწვევები ხელოვნური ინტელექტის ეპოქაში”.
კონფერენციის მიზანს წარმოადგენს სამეცნიერო საქმიანობაში სტუდენტთა აქტიური ჩართვის სტიმულირება და ახალი იდეების გენერირების ხელშეწყობა.
მონაწილეებს ეძლევათ შესაძლებლობა, ინოვაციური, შემოქმედებითი კუთხით გამოიკვლიონ, განიხილონ ადამიანური რესურსების მართვასთან დაკავშირებული გამოწვევები და შესაძლებლობები; შეისწავლონ და საკუთარი არაორდინალური გადაწყვეტილებები შესთავაზონ საზოგადოებას ადამიანური რესურსების მართვის მიმდინარე თუ სამომავლო გამოწვევებთან, შესაძლებლობებთან და პერსპექტივებთან დაკავშირებით.
კონფერენციაში მონაწილეობა შეუძლიათ საქართველოს უმაღლესი საგანმანათლებლო დაწესებულებების სამაგისტრო და სადოქტორო საფეხურის სტუდენტებს.
კონფერენცია ფარავს შემდეგ მიმართულებებს:
- ადამიანური რესურსების მართვა;
- ბიზნესი;
- ფსიქოლოგია;
- სამართალი.
კონფერენციის საორიენტაციო თემატიკა მოიცავს შემდეგ საკითხებს:
- ორგანიზაციის წარმატებასა და ქვეყნის განვითარებაში ადამიანური რესურსების სტრატეგიული წვლილი, როლი და მნიშვნელობა;
- ადამიანური რესურსების მართვის პროცესებზე გლობალიზაციისა და ტექნოლოგიების სწრაფი განვითარების გავლენა და შედეგები;
- ადამიანური რესურსების მართვის სფეროში მულტიდისციპლინური და მულტიკულტურული ასპექტები, როგორც გამოწვევა და შესაძლებლობა.
კონფერენციის სამუშაო ენა: ქართული; ინგლისური
რეგლამენტი: მოხსენება – 15 წთ.; კითხვა-პასუხი – 5 წთ.
ფორმატი: პირისპირ – აღმოსავლეთ ევროპის უნივერსიტეტის (EEU) საკონფერენციო დარბაზი.
შენიშვნა: დისტანციურ ფორმატში მონაწილეობა შესაძლებელია მხოლოდ რეგიონების უნივერსიტეტების და მოცემულ ეტაპზე, საზღვარგარეთ გაცვლითი პროგრამებით მყოფი სტუდენტებისთვის.